MUNGSHIKHÜN 48:11 - AMÜSÜH HÜM CL Bible (BSI)

¹¹ Nü mahkhapkhi dünkheaknü, Zion Müzüng asühachihshang, Juda tsührübebo asühshang.

MUNGSHIKHÜN 48:11 Iomraidhean Croise

MUNGSHIKHÜN 58:10

Thiyuro-lungkirünü royimkhi ngüchoki asühachihbah; apinü mihbukmuyuk thiyih ching ajing müsühbah.

MUNGSHIKHÜN 97:8

Zionnü sochoh tüsho asühchoh, tüsho nü mahkhapkhibo dünkheaknü Juda tsührübebo asühachihchoh, O Atungpuh .

KHÜNBOLUNGKHÜN 1:5

I a müraklah tüshe jak tsülah, O Jirusalem tsührübebo, Kedar khimyambo nangde, Solomon yo zhindokhim nangde.

KHÜNBOLUNGKHÜN 2:7

Inü thachoh, O Jirusalem tsührü liberübo, athri shihmüchi yungsho rimsung tamde thiyuchihchimang: Khide mükünchokia ike muzho dürhumusu!

KHÜNBOLUNGKHÜN 3:5

Inü nüsa ki thachoh, O Jirusalem tsührü liberübo, athri shihmüchi tüsho rimsung tamde thiyuchihchimang: khide mükünchokia ike muzho dürhumünean!

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

ISAIA 37:22

Atungpuhnü api dünkheak asukkhi yu ha lah: Atsangkhit Zion tsührübenü nü mükhemürangchoh, anihbenü nü luhmünechoh; nü dunglim Jirusalem tsührübenü ku lukchoh.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 23:28

Tüshe Jisunü arü kilim rholobah tha, “Jirusalem liberübo, I thsungkheak dütrip, tüshe nüsa le nüsa tsührübo thsungkheak tripang.

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

MAHKHAPRÜ 5:31

Jumonü nü riri alala dükheakshang, O Atungpuh ! Tüshe nü muzhorü a ani müzhakde akhiukchoki nangde lashang. Judüki lomi ju kam yirü thsungkheak mungtsü la.