MUNGSHIKHÜN 48:10 - AMÜSÜH HÜM CL Bible (BSI)

¹⁰ O Thrünpuh, nü mung yande, nü shikhi alomi akheam khiunglah; nü khah tsülim thiyuro-lungkinü milah.

MUNGSHIKHÜN 48:10 Iomraidhean Croise

1 KIUTHSÜYUKHEAN 16:14

Api Atungpuh isa Thrünpuh; api mahkhapkhibo alomi alala ching lah.

MUNGSHIKHÜN 11:7

Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.

MUNGSHIKHÜN 113:3

Ani akhiuknü ayüzah khiungde Atungpuh mung shipü lah.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

YUZÜNGTHALO 28:58

“Nüsanü Atungpuh nüsa Thrünpuh müretahkhi tüsho api atrebe mung wüntrepü thsüde, ha hüm ching thrüta lakhi yakzan alala kümkangde müyansho,

JIHUSUA 7:9

Kananrü tüsho lomi ching larübonü ha sobah isa zündobah, tüsho alomi chingnü isa mung dükheakshihbah. Dale nü mung ato thsungkheaknü nünü tümü rhimoba?”

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”