MUNGSHIKHÜN 48:1 - AMÜSÜH HÜM CL Bible (BSI)

¹ Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

MUNGSHIKHÜN 48:1 Iomraidhean Croise

NEHEMIA 9:5

Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

MUNGSHIKHÜN 147:5

Isa Tungpuh ju ato, tüsho wu ching tolah; api anikhitkhi makebin.

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 30:1

O Atungpuh , inü nü shijihbah, tümüde nünü I shuhkih, tüsho I riribo I kurungkheak masühachihshih.

MUNGSHIKHÜN 42:1

Shihmüchinü yungzü ke phurukhi nangde, I menü nü mürheangchoh, O Thrünpuh.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

MUNGSHIKHÜN 47:8

Thrünpuhnü trükshihbo kurungkheak kiulongthsüchoh; Thrünpuhnü api amüsüh kiulongthsü-binkiu kheak binchoh.

MUNGSHIKHÜN 65:1

O Thrünpuh, isanü Zion ching nü mungshi jihpü lah; tüsho nü ki thiyuchihchim thsübah.

MUNGSHIKHÜN 78:68

tüshe apinü Juda trük, apinü muzhokhi Zion Müzüng mokhit.

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

MUNGSHIKHÜN 87:1

Api khimtan amüsüh müzüngbo kheak lah.

MUNGSHIKHÜN 87:3

Müretahkhibo ju nü dünkheak thakhi lah, O Thrünpuh kiuto!

MUNGSHIKHÜN 96:4

Tümüde Atungpuh ju ato tüsho tode ashijihpü lah; api ju thrünpuhbo alala kurungkheak trepü lah.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

MATHI 24:15

“Jumonü küyimki nüsanü, Daniel wukihrü hode athakhi athsümünimshihbe athraneanbe amüsüh dangpung ching zhipde angübanü–akherünü anikhitshang–

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

AMIKHEAKAKHIUKKHI 19:5

Tüsho kiulongthsü-binkiu chingnü düsheak zhide arü, “Nüsa api tankihrübo, api trerü, anini tüsho ato alalanü isa Thrünpuh shiang.”

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;