MUNGSHIKHÜN 47:8 - AMÜSÜH HÜM CL Bible (BSI)

⁸ Thrünpuhnü trükshihbo kurungkheak kiulongthsüchoh; Thrünpuhnü api amüsüh kiulongthsü-binkiu kheak binchoh.

MUNGSHIKHÜN 47:8 Iomraidhean Croise

1 KIUTHSÜYUKHEAN 16:31

Thüningbo asühang, tüsho alominü asühachihang, tüsho arünü trükshih bolung thashang, “Atungpuh ju kiulongthsüpuh!”

MUNGSHIKHÜN 110:6

Apinü trükshih bolung mahkhapbah, apinü dangpungbo ashemibonü amishihbah, apinü alomi alala yakzanshuhrü zünakbah.

MUNGSHIKHÜN 48:1

Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

MUNGSHIKHÜN 9:4

Tümüde nünü I alim tüsho I dünkheak thsakhamjih; nü thiyuro ching mahkhapde kiulongthsü-binkiu kheak bin.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MUNGSHIKHÜN 94:20

Amülimkhi kiulongthsü-binkiu, küpünü yakzan hode amütsü asahchonü, nü lung arihako laba de?

MUNGSHIKHÜN 96:10

Trükshihbo lung thaang, “Atungpuhnü kiulongthsüchoh; alomiküp she düngde thsüa lah, ha maphap; apinü thiyuro-lungkinü mihtsürübo mahkhapbah.”

MUNGSHIKHÜN 97:1

Atungpuhnü kiulongthsüchoh; alominü asühachihshang; mükhebinkhi kekung-lobonü asühachihshang!

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

MUNGSHIKHÜN 99:2

Atungpuh ju Zion ching ato ah, tüsho api ju mihtsürübo alala kumung achang ah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

AMIKHEAKAKHIUKKHI 19:6

Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.