MUNGSHIKHÜN 47:4 - AMÜSÜH HÜM CL Bible (BSI)

⁴ Apinü isa thsungkheak isa yamrüplurüp, apinü amuzhokhi Jakob tsüdakkhi mokhitbah.

MUNGSHIKHÜN 47:4 Iomraidhean Croise

MUNGSHIKHÜN 136:22

api yamlarü Israel kilim yamrüplurüp, tümüde api amüthsüm lünnü rünkhiungde lah.

MUNGSHIKHÜN 16:3

Alomi ching lakhi amüsührübo, arübo müretahkhi ching I asühkhi lah.

ISAIA 60:15

Nü bahyuka tüsho thraneana shenü mütsahhode lalashe, inü nü lünnü wüntre-müretah kamshihbah, lün alala ching asühachihshihbah.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

EZEKIEL 20:6

Ju nimung inü arü ki Ijip chingnü arü thsungkheak yimkhitkhi niuhke tüsho mukhuke bukkhi lomi, alala kheaknü khide akhamkhi lomi ching bekhitpü arü ki thiyuchihchim thsü.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

AMOS 8:7

Atungpuhnü Jakob mung tamde thiyuchihchimchoh: Tsükjide inü küyimkishe arü rhimobo mümihabah.

NAHUM 2:2

(Tümüde Atungpuhnü Jakob wüntre-müretah, Israel wüntre-müretah jihlochoh, tümüde yankhia-lurünü arübo rhoa lu tüsho akhahbo thsümünima lakheah.)

MALAKI 1:2

Inü nü muzhodo, Atungpuhnü thachoh. Tüshe nünü thachoh, “ Küde thsah nünü isa muzhokhi?” Esau ju Jakob akhiung yung de? Atungpuhnü thachoh. Tütüshe inü Jakob muzhodo

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

YUZÜNGTHALO 11:12

alo ju Atungpuh nüsa Thrünpuhnü kümchoh; kam atankihnü kam akheam khiungde Atungpuh nüsa Thrünpuh mük ju kheak lachoh.

YUZÜNGTHALO 33:3

Am, apinü amihtsürü muzho; api kilim müsühkhitrübo alala api khah ching lakheah; jumonü isanü api jing ki binchoh tüsho api yubo leangkhichoh,

1 PETER 1:4

tüsho nüsa khilim yinmi zojihkhi müdükheakbe, mümüneanbe, tüsho müthsümünimbe yamrüplurüp kilim,