MUNGSHIKHÜN 46:8 - AMÜSÜH HÜM CL Bible (BSI)

⁸ Arang tüsho Atungpuhnü alomi kheak tümü amüyinsahbe rhimoa lanü kheahang.

MUNGSHIKHÜN 46:8 Iomraidhean Croise

MUNGSHIKHÜN 146:5

Shepü nihbuh arung Jakob Thrünpuh kheak lanü asühpü, shepü mulonglam Atungpuh api Thrünpuh la,

MUNGSHIKHÜN 59:10

I Thrünpuhnü api muzhodakkhi ching I shorubah; I Thrünpuhnü I riri kheak akuk ngükhi kheahshihbah.

MUNGSHIKHÜN 66:5

Arang tüsho Thrünpuh rhimobo kheahang; apinü mihtsürü tsührübo kilim rhimokhi atrebe lah.

ABEKHIT 10:7

Judüki Pharao yamlarübonü api ki tha, “Külokhüh ha mihtsürü isa ki qimürip laba? Mihtsürübo tsoshang, junangde arünü Atungpuh arü Thrünpuh tankihbah. Ijip thsümünima lah de nünü mümükheah de?”

ABEKHIT 12:30

Jumonü Pharao, api yamlarübo tüsho Ijiprü alala azhing ching asürü; tüsho Ijip ching tripachihkhi ato lakheah, tümüde mihmüshekhi yam khülang she mülade alakheah.

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 61:4

Adüso thsümünimkhibo arünü athsülobah, akhuhlim thsünimthsüshikhi arünü shuhmusulobah; lün ahihdo ching thsümünimkhi kiuto arünü athsülobah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

WÜHKHE 23:23

Jakob azhihde rük huhpü müla, Israel azhihde müchitpü müla. Kheakü Jakob tüsho Israel dünkheak thabah, ‘Kheahang Thrünpuhnü tümü rhimoa la?’

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.