MUNGSHIKHÜN 46:5 - AMÜSÜH HÜM CL Bible (BSI)

⁵ Ju kiuto ching Thrünpuh lah, tüsho ju küyimkishe müthsümünim; yapsu mükikde ju rungpü api arübah.

MUNGSHIKHÜN 46:5 Iomraidhean Croise

MUNGSHIKHÜN 112:6

Tsükjide küyimkishe api matrüt; thiyuro-lungkirü lünnü alümkhitbah.

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 62:2

Api lang I lungto tüsho I akhümkhit; api I chipi, küyimkishe I matrüt.

MUNGSHIKHÜN 62:6

Api lang I lungto tüsho I akhümkhit; api I chipi, I matrüt.

MUNGSHIKHÜN 68:18

Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

ABEKHIT 14:24

Ayinkhipü müngüh Atungpuhnü mo dungto tüsho amo chingnü Ijip bonungrü kheak abinkhia kheah tüsho arübo yingyingde kamshih.

ABEKHIT 14:27

Mosanü keto kumung akhah chungkih, tüsho küyimki ayinkhikhea, keto ju milode kam. Ijiprünü ke chingnü atsokhitpü mürang, tüshe Atungpuhnü arübo keto ching jipyuka bah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

EZEKIEL 43:7

Apinü I ki tha: Mihtsürü tsührü, ha I Israel bolung lünnü alapü lakhi I kiulongthsü-binkiu zopung tüsho I jinglung dubopung. Israel yamkhünnü kheaküa arünü yungsho arü kiulongthsürübonü, arü yüliyürakhinü, tüsho arü kiulongthsürübo shechoki asheminü I mung amüsüh mümüneanjih.

EZEKIEL 43:9

Kheakü arünü arü sangthsü kingaünkhibo tüsho arü kiulongthsürü ashemibo I kheaknü limshude bahshang, tüsho inü arü bolung lünnü alabah.

EZEKIEL 47:1

Jushu apinü I arüngyam ripit ki belodarü; arüngyam ching düküyukpung khüpnü ke bukde aniakhiuklim yüde alakheah (tümüde arüngyam ju aniakhiuklim abin); ke ju kingaün sadam düjinglim, arüngyam düjinglim thrip khüpnü bukde aki.

HOSEA 11:9

Inü I bukakhiukkhi mürhimo; inü Ephraim müthsümünimlo; tümüde I a Thrünpuh ah tüsho mihtsürü yung, nüsa bolung Amüsüh Khülang lah tüsho inü I bukakhiukde marü.

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

ZEPHANIA 3:15

Atungpuhnü nü azhihde mahkhap lude tsodo, apinü nü riribo rholode tsoshihdo. Israel kiulongthsüpuh, Atungpuhnü lung lah; nünü kheaküa thsümütsü tümü mütre.

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

LUKNÜ ATHRÜTKHI THIYUSHEAK-ATSÜ HUHTANYU 18:8

Apinü arü ki niokheamde mahkhapjihbah de inü nüsa ki thachoh. Judüalalashe, küyimki Mihtsürü Tsührü arübanü apinü tsükjide alomi kheak akin lakhi ngüba de?”

YUZÜNGTHALO 23:14

Tümütüsho nüsa khümkhitpü tüsho thiriri nüsa kilim jihpü Atungpuh nüsa Thrünpuh nüsa binkheampung ching tsahchoh, jumonü nüsa binkheampung ju amüsüh labeah, junangde apinü nüsa bolung tümükhüh amünean müngü, tüsho nüsa kheaknü tsoa mübah.

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.