MUNGSHIKHÜN 46:2 - AMÜSÜH HÜM CL Bible (BSI)

² Jumonü alomi lahkhitkhit she, tüsho awungbo ju keto ching hande yüyü she isanü mütre;

MUNGSHIKHÜN 46:2 Iomraidhean Croise

2 SAMUEL 22:3

I Thrünpuh, I lungto, shepü kheak inü jikcho, I tsung tüsho I akhümkhit juh, I tsungdorü tüsho I tsoyukpung, I khümkhitbuh; nünü I thiyih bukpü chingnü khümkhit.

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 18:7

Judüki alomi niuk tüsho ajan; awung khimtanbo niuk tüsho ajan, tümütüsho api bukakhiuk.

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 27:3

Bonungrü boto khülangnü I zündodo she, I mulongnü mütre; I azhihde thirithsü wususu she, I mulongram labah.

MUNGSHIKHÜN 28:7

Atungpuh ju I sühmüh tüsho I tsung; api kheak I mulongnü kinchoh tüsho I arung ngüa lah; jumonü I mulong tode asühchoh, tüsho khün thsüde inü api shibah.

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MUNGSHIKHÜN 59:17

O I sühmüh, inü nü ki mungshikhünbo thsübah, tümüde O Thrünpuh, nü I chipi, I amüthsüm Thrünpuh ah.

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

MUNGSHIKHÜN 82:5

Arünü mümükheah, yungsho arünü manikhit; arü amiting ching tsahchoh; alomi khimtanbo alala niukniuklah.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

MATHI 21:21

Tüsho Jisunü arü ki alo, “Atsütsü inü nüsa ki thachoh, nüsa akin lasho tüsho mudukiuhlosho, khubasodung kheak rhimokhi lang nüsanü mürhimo tüshe ‘Ha shuh-a keto ching jipa bahang’ de ha müzüng ki thasho, ju arhimobah.

LUKNÜ ATHRÜTKHI THIYUSHEAK-ATSÜ HUHTANYU 21:33

Thüning tüsho alomi hode atsobah, tüshe I yubo küyimkishe hode mutso.

IBRI 13:6

Jumonü isanü mulongram lade thachoh, “Atungpuh ju I rungrü ah, inü mütre; mihtsürünü I ki tümü thsükhukpü?”