MUNGSHIKHÜN 46:10 - AMÜSÜH HÜM CL Bible (BSI)

¹⁰ Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 46:10 Iomraidhean Croise

1 KIULONG THSÜRÜ 18:36

Animuro kingaün jihkhi kim ching wukihbuh Elija phünide arü tüsho tha, “O Atungpuh , Abraham, Isak, tüsho Israel Thrünpuh, nü Israel ching Thrünpuh tüsho I nü yamlarü tüsho nü yukhüm hode harü alala rhimodo de khihni mükheahshang.

2 KIULONG THSÜRÜ 19:12

I buh pürünü athsümünimkhi trükshihbo, Gozan, Haran, Rezeph tüsho Telassar ching lakhi Eden mihtsürübo arü thrünpuhbonü bekhitkhea de?

2 KIULONG THSÜRÜ 6:23

Jumonü apinü arü thsungkheak jimpung ato thsakham; tüsho tsühyungkhi dunglim apinü arübo arü limro ching yüshih, tüsho arünü arü putungrü kilim yü. Tüsho Siriarünü kheaküa Israel lomi ching ayanpü marüdebah.

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 21:13

O Atungpuh , nü sühmüh ching shuhkihang; isanü khün thsübah tüsho nü wu shijihbah.

MUNGSHIKHÜN 37:15

Arü nukshangbo arü mulong ching yüzahbah, tüsho arü sanglühbo zhakbah.

MUNGSHIKHÜN 57:5

O Thrünpuh, yinmibo kumung shuhkihang; nü müretahkhi alomi alala kumung lashang.

MUNGSHIKHÜN 83:18

junangde arünü nü mung ju lang Atungpuh ah de, nü alomi alala kurungkheak Khide Achang mükheahbah.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

JEREMIA 49:35

Wuto Atungpuhnü ha thachoh: Inü Elam sanglüh, atsunglopung ato yihshakbah;

EZEKIEL 30:8

Küyimki inü Ijip kheak mo takkihba, tüsho ju rungrü alala thsümünima laba, I Atungpuh de arünü mükheahbah.

EZEKIEL 38:23

Junangde inü I tokhi tüsho I müsühkhitkhi huhbah tüsho trükshih ahihdo miki I mükheahshihbah. Judüki I Atungpuh de arünü mükheahbah.

EZEKIEL 39:3

Inü nü khah huzulim chingnü nü sanglüh lakkhibah, tüsho nü khah tsülim chingnü nü hühzobo yihkhibah.

MIKA 4:3

Apinü mihtsürü ahihdo dükeak mahkhapbah, tüsho limshu ching sühmüh lakhi trükshihbo dükeak alim-amülim mokhitbah; arünü nukshangbonü thuwuhbo kingbah, tüsho arü thsühbonü hirhüpbe kingbah; trükshihnü trükshih azhihde nukshang mushuhkih, arünü kheaküa thirithsüpü mümükheahde alabah;

HABAKKUK 2:20

Tüshe Atungpuh api amüsüh arüngyam ching lah; alomi alalanü api miki malande laang!

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

JIHUSUA 11:6

Atungpuhnü Jihusua ki tha, “ Arübo ki dütre, tümüde shido hadüchokia Israelrü khilim inü arübo laksahbah; nüsanü khora jingbo lipshakbah tüsho lolungbebo takabahbah.”

JIHUSUA 11:9

Atungpuhnü thiyukhüm jihkhi nangde Jihusuanü khora jingbo lipshak tüsho lolungbebo takabahjih.

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,

1 SAMUEL 2:4

Wuto sanglühbo zhakabahdo, tüshe sühmüh mülarübo reangzahchoh.