MUNGSHIKHÜN 45:9 - AMÜSÜH HÜM CL Bible (BSI)

⁹ Kiulongthsürübo tsührübebo nü wüntrekhi liberübo lung lah; nü khah tsülimpeang Ophir suna yukbah kiulongthsübe zhipbah.

MUNGSHIKHÜN 45:9 Iomraidhean Croise

1 KIULONG THSÜRÜ 10:11

(Kheaküshe, Hiramnü sangkungbo chingnü suna, almug sang ahihdo tüsho amo-achak lungbo Ophir chingnü hanbah arü.

1 KIULONG THSÜRÜ 2:19

Jumonü Bathshebanü Adonija thsung thsüde athajihpü kiulongthsüpuh Solomon ki yü. Kiulongthsüpuhnü alibe shorupü asürü, tüsho alibe ki khukning; jushu apinü anihbuh kiulongthsü-binkiu kheak bin, tüsho kiulongthsüpuh abe khilim kiulongthsü-binkiu püpü lubah arü, tüsho alibenü anihbuh tsülim peang bin.

1 KIULONG THSÜRÜ 2:9

Tüshe api ki amülim mülade düthsü, tümüde nü lümlung larü mihtsürü khülang ah; nünü api kheak tümü rhimobeanü amükheahbah, tüsho nünü abuyukkhi api ku thiyih bebah Ashe-lomi ching hanyukbeah.”

1 KIUTHSÜYUKHEAN 1:23

Ophir, Havila, tüsho Jobab trükkhit; harü alala Joktan tsührübo lakheah.

JOB HU H T ANYU 22:24

nünü suna ju asungthulung nangde tüsho Ophir suna ju ayung ching lungbo nangde khesho,

MUNGSHIKHÜN 45:13

Kiulongthsürü tsührübe ju kiulongthsürü-yam ching müretahde lah; anihbe khimmih ju suna bede keaka lah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MÜCHITMUDU 7:17

Inü jinjinlak, aloe tüsho sinamonnü I yapkiu arhümthüneade zolah.

KHÜNBOLUNGKHÜN 7:1

Jingkhümpübo ching nü jing küdükhüh she akhamla, O kiulongthsüberü anünürü! Nü pho thulungkhi ju mürelungbo, thsüsonungnürü khahyo nangde lah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

AMIKHEAKAKHIUKKHI 19:7

Isanü asühachihanü tüsho asühanü; isanü api müretah jihanü, tümüde Namfimihnunu yamkhün kampü kim arüdo, tüsho api yamkhünbenü anihbe küdah thsüde thsakhama lah;

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,

AMIKHEAKAKHIUKKHI 21:9

Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.”