MUNGSHIKHÜN 45:8 - AMÜSÜH HÜM CL Bible (BSI)

⁸ Nü khimmihbo alala rhümthüneabe, aloe tüsho kassianü rhümthüneashih, thsotorü yambo chingnü arünü nü asühshih.

MUNGSHIKHÜN 45:8 Iomraidhean Croise

1 KIULONG THSÜRÜ 22:39

Kheakü aningkhi Ahab rhimobo, apinü arhimokhi alala, apinü athsükhi thsotorü yam, tüsho apinü athsükhitkhi kiutobo alala, Israel kiulongthsürübo yukhean hüm ching thrüta müla de?

MUNGSHIKHÜN 11:7

Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.

MUNGSHIKHÜN 150:4

Züpzüppü bede tüsho tsünde api shiang; aliu kihkhi kingzükingdobe tüsho khungpibo bede api shiang!

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 45:15

Arübo asühachihde tüsho asühde be; arübo kiulongthsüpuh yam ching yüzahdo.

KHÜNBOLUNGKHÜN 1:13

I tsübuh a arhümthüneabe qiuqiu nangde I khüh kheak yaplah.

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

KHÜNBOLUNGKHÜN 3:6

Sunglo chingnü mokhüh chitthulung, arhümthüneabe tüsho jinjinlak münimde, yinzüyindorü yo rhümthüneabe kukruk alala lubah athsükhibo nangde yükihcho ha she a?

KHÜNBOLUNGKHÜN 4:6

Müyinkhiyichoki tüsho amitingbo mutsoyiki inü rhümthünea wung tüsho jinjinlak wung ching niokheamde ayübah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 5:13

Api ngobo ju thüneathürabe shahwünbo nangde, arhüm thüneade akhiukchoh. Api münküpbo thrilung sangbünbo, jinjinlak ke tsangkhitkhi nangde lah.

KHÜNBOLUNGKHÜN 5:5

Inü I tsübuh thsungkheak khimshuhjihpü wusu, tüsho I khahbo kheaknü jinjinlak atsamkhi, I yingkhingbo kheak jinjinlak kenü akhrihbe sang kheak pang.

AMOS 3:15

Inü tsüngkam yam tüsho muzhu yam lukkheambah; tüsho thsotorünü züt thsükhi yambo dükheakbah, tüsho thüyam atotobo akheam thsübah, Atungpuhnü thachoh.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

JOHAN 14:2

I Buh yam ching khiungshak ahihdo lah; jude yungkhülaa, inü nüsa ki thaa labah, I nüsa thsungkheak lapung thsakhampü yüchoh.

JOHAN 19:39

Tüsho akhuhlim Jisu kilim azhing ching arübuh Nikodemanü jinjinlak tüsho aloe düsahkhi rhümthüneabe khahngak 30 bande lubah arü.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.