MUNGSHIKHÜN 45:7 - AMÜSÜH HÜM CL Bible (BSI)

⁷ Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 45:7 Iomraidhean Croise

1 KIULONG THSÜRÜ 19:16

Kheaküshe nünü Israel kurungkheak kiulongthsürü thsüpü Nimshi tsührü Jehu mujudemokhitang; tüsho Abelmeholarü Shaphat tsührü Elisha nü müthri wukihrü thsüpü mujude-mokhitang.

MUNGSHIKHÜN 101:8

Lomi ching mihbukmuyuk alala inü nahde athsümünimbah, junangde inü amütsü rhimorü alala Atungpuh kiuto chingnü adükheakshihbah.

MUNGSHIKHÜN 11:7

Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

MUNGSHIKHÜN 21:6

Tümüde nünü api lünnü müngühmühi thsüjih; nünü nü bede api khitode asühde kamshih.

MUNGSHIKHÜN 33:5

Apinü thiyuro-lungki tüsho thiyuro muzholah; alomi ju Atungpuh muzhodakkhinü milah.

MUNGSHIKHÜN 89:20

Inü I yamlarü David ngüdo; inü I yo amüsüh müdangkenü api mujude-mokhitdo,

MUNGSHIKHÜN 89:26

Apinü I ki zhibah, ‘Nü I buh, I Thrünpuh, tüsho I akhümkhit lungto.’

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

LEVI 8:12

Apinü Aron ku kheak müdangke dungkihjihde api mujude-müsühkhit.

MATHI 3:15

Tüshe Jisunü api ki alo, “Kheakü judü lang thsang; tümüde thiyuro-lungki alala dünjipü thsüde isa thsungkheaknü ha rhimopü alim lah.” Jumonü Johannü he de ani.

MATHI 7:23

Judüki inü arü ki khipkhitbah, ‘Inü nüsa küyimkishe mükheah-a müla; I kinü tsoang, nüsa amütsü rhimorübo!’

LUKNÜ ATHRÜTKHI THIYUSHEAK-ATSÜ HUHTANYU 13:27

Tüshe apinü athabah, ‘Inü nüsa ki thachoh, nüsa küchingnüanü inü mümükheah. Nüsa amülim rhimorü alala I kinü tsoang.’

LUKNÜ ATHRÜTKHI THIYUSHEAK-ATSÜ HUHTANYU 3:22

tüsho müthrithrümpü nangde Amüsüh Me api kheak aki, tüsho yinmi chingnü düsheak khülang arü, “Nü inü amuzhodakkhi tsührü; nü kheak inü tsüde mulong keamchoh.”

JOHAN 1:16

Tüsho api kim khiukkhi ching isanü müngühmühi kheaknü müngühmühi leangkhi.

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

YUNIRÜBO RHIMO 2:28

Nünü I kilim rhangdung limro mükheahshih; nünü nü bede asühkhinü I mide akamshihbah.’

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.