MUNGSHIKHÜN 45:6 - AMÜSÜH HÜM CL Bible (BSI)

⁶ O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

MUNGSHIKHÜN 45:6 Iomraidhean Croise

2 SAMUEL 23:4

ju yapsu ayin nangde, amo mülakhi yapsu ani akhiukkhi tsüng arü dunglim alo ching lakhi rimkiu kheak ayin tahkihkhi nangde lah.

MUNGSHIKHÜN 145:13

Nü kiulongthsü ju akheam müla kiulongthsü, tüsho nü yakzan shuhkhi lün alala ching rünkhiungde lah.

MUNGSHIKHÜN 89:29

Inü api müjih she lünnü rünkhiungshihbah, tüsho api kiulongthsü-binkiu yinmi nimungbo nangde alashihbah.

MUNGSHIKHÜN 93:2

Nü kiulongthsü-binkiu adüsonü thsüa lah; nü a akheam mülade lah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

WÜHKHE 24:8

Thrünpuhnü arü Ijip chingnü bekhit; arü kheak mütüm moshipung sühmüh kihlah. Arünü arü riri trükshihbo tsühabahchoh, tüsho arü ro shimshim yihthünakchoh; arü hühzonü arü kipashungchoh.

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

YUZÜNGTHALO 32:42

Inü I hühzobo thiyih yungshihbah tüsho I nukshangnü shih tsühshihbah– alaksahkhi tüsho aramrü thiyihbo, thiriri limberü kubo. @SP ACE=

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.