MUNGSHIKHÜN 45:5 - AMÜSÜH HÜM CL Bible (BSI)

⁵ Kiulongthsüpuh riribo mulong ching nü hühzobo züpzüplah; mihtsürübo nü khüp keamchoh.

MUNGSHIKHÜN 45:5 Iomraidhean Croise

MUNGSHIKHÜN 21:12

nünü arü kheak nü hühzobonü akipbah, tüsho rholobah alihde atsoshihbah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 38:2

Tümüde nü hühzobonü I sükde chinkhitdo, tüsho nü khahnü I nimmülündo.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

WÜHKHE 24:8

Thrünpuhnü arü Ijip chingnü bekhit; arü kheak mütüm moshipung sühmüh kihlah. Arünü arü riri trükshihbo tsühabahchoh, tüsho arü ro shimshim yihthünakchoh; arü hühzonü arü kipashungchoh.

YUNIRÜBO RHIMO 2:37

Küyimki arünü ha sokheanü arü küpkhukde kam, tüsho Peter le aningkhi amüsüh-thsangyurübo ki tha, “Keoniorübo, isanü küde athsüba?”

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

YUNIRÜBO RHIMO 5:14

Tüsho püpüki kheaknü alü akinrübo athrürü tüsho aliberü boto Atungpuh lung kheyuk,

YUNIRÜBO RHIMO 5:33

Küyimki arünü ha sokheanü bukakhiuk tüsho arü laksahpü kün.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

YUNIRÜBO RHIMO 7:54

Küyimki arünü harü sokheanü arü bukakhiuk tüsho api azhihde arü hü mütrüt.