MUNGSHIKHÜN 45:13 - AMÜSÜH HÜM CL Bible (BSI)

¹³ Kiulongthsürü tsührübe ju kiulongthsürü-yam ching müretahde lah; anihbe khimmih ju suna bede keaka lah.

MUNGSHIKHÜN 45:13 Iomraidhean Croise

1 KIULONG THSÜRÜ 5:15

Kheaküshe Solomon a awung lomi ching rhimorü 70,000 tüsho lunglahrü 80,000 lakheah,

KHÜNBOLUNGKHÜN 7:1

Jingkhümpübo ching nü jing küdükhüh she akhamla, O kiulongthsüberü anünürü! Nü pho thulungkhi ju mürelungbo, thsüsonungnürü khahyo nangde lah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

LUKNÜ ATHRÜTKHI THIYUSHEAK-ATSÜ HUHTANYU 11:40

Makharübo! Shepünü aleanglim thrünkheanü alunglim she athrünkhi yung de?

ROMRÜ KILIM PAULNÜ ATHRÜTKHI KIHÜM HUHTANYU 13:14

Tüshe Atungpuh Jisu Khrista zülu yihang, tüsho akünkhi reangkeamshihpü shih-yakli lim mulong düjih.

ROMRÜ KILIM PAULNÜ ATHRÜTKHI KIHÜM HUHTANYU 2:29

Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

2 KORINT 5:17

Jumonü khürü Khrista ching lasho, api aso thrünlokhi ah; awünbe hode tsodo, kheahang, aso arüdo.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”