MUNGSHIKHÜN 45:1 - AMÜSÜH HÜM CL Bible (BSI)

¹ I mulong ju mükkheahkih atsünü mikhiukde lah; inü athrütmukhungkhi kiulongthsüpuh ki khechoh; I mulo ju athrütpü thsakhama larü dosang nangde lah.

MUNGSHIKHÜN 45:1 Iomraidhean Croise

2 SAMUEL 23:2

Atungpuh menü I hode asukchoh, api yu I mulo kheak kihlah.

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

JOB HU H T ANYU 33:3

I yubonü I mulong lungkikhi khipkhitchoh, tüsho I münküpnü tümü mükheahlanü düshihde asukchoh.

JOB HU H T ANYU 34:4

Tümü alungkianü isanü mokhitanü; tümü atsüanü isa bolung isanü lümakheahanü.

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 42:1

Shihmüchinü yungzü ke phurukhi nangde, I menü nü mürheangchoh, O Thrünpuh.

MUNGSHIKHÜN 49:3

I münnü lümlung asukbah, tüsho I mulong ching lümkhinü anikhitkhi hande arübah.

MUNGSHIKHÜN 69:1

I khümkhitang, O Thrünpuh! Tümüde kebo I hung khiungde akihdo.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MÜCHITMUDU 16:23

Lümlung larü mulongnü nihbuh mün thsangyuchoh, tüsho anihbuh münküpbo kheak anikhitkhi yukajakchoh.

KHÜNBOLUNGKHÜN 1:12

Küyimki kiulongthsüpuh api dükhüm kheak lakhea, I yo arhümthüneabenü münimde yü.

ISAIA 5:1

Inü I tsübuh thsungkheak api kurungasolu dünkheak I amuzho khün thsanü: I tsübuh a alomüdang wung kheak kurungasolu khülang lah.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 27:37

Tüsho api azhihkhi yu thrüta api kumung zojih: Ha jihudarü kiulongthsüpuh jisu.

EFISIA 5:32

Ha aramyu asük khülang ah, tüsho ha Khrista tüsho borü dünkheak ah de inü thachoh;

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.