MUNGSHIKHÜN 44:2 - AMÜSÜH HÜM CL Bible (BSI)

² Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 44:2 Iomraidhean Croise

2 SAMUEL 23:12

Tüshe apinü a ju dangpung phulung ching zhipbah tsunglo, tüsho Filistiarü laksah; tüsho Atungpuhnü akuk ngükhi ato handarüjih.

2 SAMUEL 7:10

Tüsho inü I mihtsürü Israel thsungkheak dangpung khülang mokhitbah arü lashihbah, junangde arübo nihbuh lapung ching tümü kimlak mülade alabah; tüsho püpüki nangde amütsü rhimorübonü arü kheak küpkhuk müjih,

MUNGSHIKHÜN 105:44

Apinü arü kilim khiungkerü lobo jih, tüsho arünü trükshihbo khuksahkhi yamrüplurüp lu,

MUNGSHIKHÜN 78:55

Apinü trükshihbo arü müngühnü yankhit tüsho arü kilim arü lobo yamrüplurüp jih; apinü Israel trükbo arü khimyambo ching lashih.

ABEKHIT 10:2

tüsho nü tsührü le nü tsührütsührünü sode inü Ijip ching arü bolung amütsanbo ato rhimokhi thaang, junangde I Atungpuh de nüsanü amükheahbah.”

ABEKHIT 15:17

Nünü arü bede yüzahbah nü wung kheak khimbah, O Atungpuh , nünü nü lapung thsükhi dangpung, O Atungpuh , nü khahnü athsükhi arüngakopung.

ABEKHIT 15:19

Tümüde Pharao khorabo api khora-lolungbebo tüsho khoraberübo lung keto ching yüzah, tüsho Atungpuhnü arü kheak keto kebo belodarü. Tüshe Israelrü kero phulung ching alo akung kheaknü yü.

ABEKHIT 23:28

Tüsho inü nüsa müngüh Hivrü, Kananrü, tüsho Hitrü yankhitshihpü leyü yüshihbah.

ABEKHIT 34:11

Khihni inü nüsa ki thiyukhüm jihkhi mihyuaniang. Kheahang, inü nüsa müngühnü Amorrü, Kananrü, Hitrü, Perizrü, Hivrü tüsho Jebusrü yankhita bahchoh.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

WÜHKHE 13:32

Jumonü arübonü zütakheahkhi dünkheak thiyusheak amütsü Israel mihtsürübo ki tha, “ Isanü zütakheahkhi lonü ju ching larübo lang she tsühyungpü suhdahde akhiuka mükip, isanü angürübo alala atoshang lang ah.

YUZÜNGTHALO 32:7

Awün nimungbo lümkhitang, lün ashang hokhibo lümkhitang; nü buh ki keokhiang, tüsho apinü nü ki huhbah; azothsürübo ki keokhiang, tüsho arünü nü ki thabah.

YUZÜNGTHALO 4:38

Nüsa khihni lakhi nangde nüsa bedarüpü tüsho yamrüplurüp jihpü thsüde wu-sühmüh ato lakhi trükbo nüsa müngühnü yanabah.

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 10:11

Küyimki Amorrü ju Israel bonungrü müngüh alihde yükheanü, Atungpuhnü arü kheak Beth-horon chingnü Azeka khiungde aru keamkhishih. Israelrü thsühnuknü alaksahkhi kheaknü arunü akingsahkhi ahihbe lakheah.

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

JIHUSUA 11:23

Junangde Atungpuhnü Mosa ki thiyukhüm jihkhi yande Jihusuanü lomi alala yankhia lu; tüsho Jihusuanü jurübo Israelrü kilim nihbuh yo thsüpü chamachih-a trük abande jih. Jushu mihtsürübo keochihkhi chingnü sühakhim.

JIHUSUA 21:43

Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah.

JIHUSUA 24:12

Amorrü kiulongthsü mahne yankhita bahshihpü inü mukhuto nüsa müngüh yüshih; hoju nüsa nukshang yungsho sanglühnü yung.

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

MAHKHAPRÜ 6:13

Tüsho Gideonnü api ki tha, “O I tungpuh, Atungpuh isa lung lasho, küde thsah hadürü isa kheak dünjikhea? Tüsho api amüyinsahbebo alala küching la, küpü isa bebuhrübonü isa ki tha, ‘Atungpuhnü isa Ijip chingnü bede atukhi yung de?’ Tüshe kheakü Atungpuhnü isa bahyuk tüsho Midiarü khah ching jih.”