MUNGSHIKHÜN 43:3 - AMÜSÜH HÜM CL Bible (BSI)

³ Nü yo ayin tüsho thiyuro arübah I beshang; arünü I nü amüsüh wung tüsho arüngyam lim bede yüshang.

MUNGSHIKHÜN 43:3 Iomraidhean Croise

2 SAMUEL 15:20

Nü yini lang arükheah, tüsho kürü ching yübeanü inü mümükheah, khihni nü I lung rümde atsahshihba de? Alode yüang, tüsho nü keoniorübo nü lung bea lung; tüsho Atungpuhnü nü kheak amuzhodakkhi tüsho thiyuro huhshang.”

2 SAMUEL 15:25

Judüki kiulongthsüpuhnü Zadok ki tha, “Thrünpuh sangdan hanlobah kiuto ching yüzahang. Atungpuh miki I mihmuzho ngüsho, apinü I belode arübah tüsho ju le azopung dangpung ane chido ngüloshihbah.

1 KIUTHSÜYUKHEAN 16:1

Arünü Thrünpuh sangdan hande yüzah, tüsho Davidnü athsükhi khimyam alunglim zo; tüsho arünü taka kingaünkhi tüsho mungtsü kingaün Thrünpuh miki jih.

1 KIUTHSÜYUKHEAN 16:39

Tüsho apinü Zadok amükeambuh tüsho buhtsührü amükeamrübo Gibeon ching lakhi achang dangpung ching Atungpuh arüngkhimyam miki zojih,

1 KIUTHSÜYUKHEAN 21:29

Tümüde sunglo ching Mosanü athsükhi Atungpuh arüngkhimyam, tüsho taka kingaünbe kingaün sadam ju kim ching Gibeon ching achang dangpungbo kheak lakheah;

MUNGSHIKHÜN 119:105

Nü yu ju I jing ki tsün tüsho I limro ching ayin khülang ah.

MUNGSHIKHÜN 143:10

Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

MUNGSHIKHÜN 40:11

O Atungpuh , nü amüthsüm I kheaknü dülulo; nü muzhodakkhi tüsho thiyuronü mutuklode I kümshang.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

MUNGSHIKHÜN 57:3

Apinü yinmi chingnü alojihbah tüsho I khümkhitbah; apinü I jungrü achih ngüshihbah. Thrünpuhnü api amüthsüm tüsho thiyuro arüshihbah.

MUNGSHIKHÜN 57:4

I a mihtsürü tsühbe kekhüzübo nangde alakhi thiriribonü sündobah lah; arü hübo thsüh tüsho hühzobo ah tüsho arü mulo ju azüpzüp nukshang ah.

MUNGSHIKHÜN 78:68

tüshe apinü Juda trük, apinü muzhokhi Zion Müzüng mokhit.

MUNGSHIKHÜN 84:1

Nü arüngkhimyam küdükhüh atsü a, O Wuto Atungpuh !

MUNGSHIKHÜN 97:11

Thiyuro-lungkirü kheak ayin tahchoh, tüsho mulong ching lungkirü kheak asühpü lah.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

MIKA 7:8

I kurungkheak dasühachih, O I riri; küyimki I angakbanü, I asürübah, küyimki I amiting ching binbanü, Atungpuh ju I ki ayin labah.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 1:4

Api kheak rhangdung lakheah, tüsho rhangdung ju mihtsürü ayin lakheah.