MUNGSHIKHÜN 43:1 - AMÜSÜH HÜM CL Bible (BSI)

¹ O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

MUNGSHIKHÜN 43:1 Iomraidhean Croise

2 SAMUEL 15:31

Ahithophel she aram-asukachihkhi lung belah de David ki tha. Tüsho Davidnü tha, “O Atungpuh , inü nü ki tamkhüntamnüchoh, Ahithophel athsunganahkhi ju makhashang.”

2 SAMUEL 16:20

Judüki Absalomnü Ahithophel ki tha, “Nünü isa ki athsunganahang; isanü tümü rhimobea?”

2 SAMUEL 18:8

Thirithsü ju lomi alala ching bude yü; tüsho nukshangnü alaksahkhi kheaknü alübe thsüde murung chingnü she.

MUNGSHIKHÜN 140:5

Akükheangrünü I thsungkheak müthrim tüsho liubo rama zolah; arünü limro yean keang phua zolah; arünü I thsungkheak müthrim zolah.

MUNGSHIKHÜN 26:1

I mütsanmükhiang, O Atungpuh , tümüde inü thiyuro-lalim ching tsahdo, inü manguhphülapde Atungpuh kheak kindo.

MUNGSHIKHÜN 35:1

O Atungpuh , I azhihrü kheak azhihang; I bede keochihrü kheak keochihang.

MUNGSHIKHÜN 35:24

Nü thiyuro-lungki ching I alim mütsanjang, O Atungpuh I Thrünpuh; tüsho arünü I kurungkheak dasühachihshih.

MUNGSHIKHÜN 5:6

Akeangyu tharü nünü thsümünimchoh; thiyih bukrü tüsho mülapyukrü mihtsürü Atungpuhnü thraneanchoh.

MUNGSHIKHÜN 54:3

Tümüde jaksorünü I azhihde wusudo, tüsho junorünü I rhangdung yimchoh; arünü arü müngüh Thrünpuh mülashih.

MUNGSHIKHÜN 7:7

Mukhunga lakhi mihtsürübo nü mükamde arüshang; tüsho achang chingnü arü kurungkheak yakzan zhimang.

MUNGSHIKHÜN 7:8

Atungpuhnü mihtsürü mahkhapchoh; O Atungpuh , I thiyuro-lungki tüsho I kheak lakhi thiyuro yande I mahkhapang.

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

MUNGSHIKHÜN 71:4

O I Thrünpuh, mihbukmuyuk khah chingnü, thiyuro-lungki mülarü tüsho bukmüke mihtsürü khah chingnü I bekhitang.

MUNGSHIKHÜN 75:7

Tüshe Thrünpuh ju mahkhaprü ah; apinü khülang keamshihchoh, tüsho püpürü shuhkihchoh.

MÜCHITMUDU 22:23

tümüde Atungpuhnü arü dünkheak atsangbah tüsho sherünü arü yankhia luchonü yankhia lubah.

MÜCHITMUDU 23:11

tümüde arü Tsungdorü amürang lah; apinü arü dünkheak nü azhihde atsangbah.

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

1 KORINT 4:4

I lümkhi müsühde lah, tüshe junü I atsütsü amülim mülakhi mümütsanchoh, I yukhapbuh ju Atungpuh lah.

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”