MUNGSHIKHÜN 42:5 - AMÜSÜH HÜM CL Bible (BSI)

⁵ Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 42:5 Iomraidhean Croise

JOB HU H T ANYU 13:15

Apinü I laksahsah she inü api kheak kinbah; junangde api miki I dünkheak inü athabah.

MUNGSHIKHÜN 35:14

I müyamrü yungsho I keoniorü thsungkheak nangde tüzho. I be thsungkheak tripkhi nangde mulong rozhakde I ku khuram.

MUNGSHIKHÜN 37:7

Atungpuh miki zhikde laang tüsho arümkheamde api aleangang; mihtsürübonü arü mihbukmuyuk lümkhi asahde arü limrobo ching akuk ngüchoki mulong düsansan.

MUNGSHIKHÜN 38:6

I küpkhukdo, I khide abobe kamdo; inü nimung amuyung tüzhochoh.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 43:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

MUNGSHIKHÜN 56:11

Inü api kheak kinchoh, tüsho mütrede alabah. Mihtsürünü I ki tümü thsükhukpü?

MUNGSHIKHÜN 56:3

Küyimki I trebanü inü nü kheak kinchoh.

MUNGSHIKHÜN 61:2

I mulong shekhia lachoki, inü alomi akheam chingnü nü jichoh. I kheaknü achangbe lungto lim nünü I beang;

MUNGSHIKHÜN 71:14

Tüshe inü mutuklode mulonglambah, tüsho alü thsüde inü nü shijihbah.

MUNGSHIKHÜN 77:3

Inü Thrünpuh lümkhit, tüsho küpkhukde alakheah; inü atsanglo, tüsho I me shekhia lakheah.

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

WÜHKHE 6:26

Atungpuhnü nüsa kheak mulongde kheahshang tüsho nüsa kilim mungtsü jihshang.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 26:38

Apinü arü ki tha, “I me ashepü thsüde mulong rozhaklah. Nüsa ha kheak I kheahde aleangang.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.