MUNGSHIKHÜN 42:3 - AMÜSÜH HÜM CL Bible (BSI)

³ I chikebo ju animung tüsho are I jim lakheah, I riribonü mutukzhakde I ki tha, “Nü Thrünpuh kükheak la?”

MUNGSHIKHÜN 42:3 Iomraidhean Croise

2 SAMUEL 16:12

Khükia Atungpuhnü I lümthsünü ngüjihbah, tüsho khihni ha athrukhi thsungkheak Atungpuhnü I kilim atsü jihlobah.”

MUNGSHIKHÜN 102:9

Tümüde inü awahbo ju yikhap nangde tsühdo, tüsho I chikebo ayungbe lung düsahdo,

MUNGSHIKHÜN 115:2

Tümüde trükshihbonü athashihpü, “ Kheakü arü Thrünpuh küching la?”

MUNGSHIKHÜN 143:6

Inü nü kilim I khahbo chungkihchoh; akung lo nangde I menü nü mürheangchoh.

MUNGSHIKHÜN 22:8

“Apinü Atungpuh kheak kindo, apinü anihbuh khümkhitshang; apinü anihbuh bekhitshang, tümütüsho apinü anihbuh kheak asühlah!”

MUNGSHIKHÜN 3:2

ahihkhühnü I dünkheak, Thrünpuhnü api murung de thachoh.

MUNGSHIKHÜN 42:10

Arünü mükhemükimkhinü I züthünaka lah, arünü I ki nimung amuyung keochoh, “Nü Thrünpuh kükheak la?”

MUNGSHIKHÜN 63:2

Jumonü nü wu tüsho nü müretah ngüpü, inü arüngakopung ching nü kheahdo.

MUNGSHIKHÜN 79:10

“Arü Thrünpuh küching la” de tümü thsüpü trükshihbonü athashihpü? Nü yamlarübo thiyih bukkhi royimkhi isa mikinü trükshih bolung mükheahshang.

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

MUNGSHIKHÜN 80:5

Nünü isa mulong rozhak tsühshih, chike pung ato yungshih.

MUNGSHIKHÜN 84:3

Khüjak she thüyam ngüdo, tüsho kiurürüt she anunu khukhitpü asap lah– nü kingaün sadam dangpung thüninde, O Wuto Atungpuh , I kiulongthsüpuh tüsho I Thrünpuh.

ABEKHIT 23:17

Kam khülang ching mahsam ki athrürübo Atungpuh nüsa Thrünpuh miki arang.

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

YUZÜNGTHALO 5:26

Tümüde isa lakhi nangde, mo phulungnü arhang Thrünpuh düsheak sokhi mihtsürü shepü la?