MUNGSHIKHÜN 42:2 - AMÜSÜH HÜM CL Bible (BSI)

² I menü rhangdung Thrünpuh thsungkheak kethürichoh. Küyimki I Thrünpuh miki yüba?

MUNGSHIKHÜN 42:2 Iomraidhean Croise

JOB HU H T ANYU 23:3

O, inü api ngüpung mükheahkhülaa, junangde inü api lapung she ayübah!

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 43:4

Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

MUNGSHIKHÜN 63:3

Tümütüsho nü muzhodakkhi ju rhangdung kheaknü atsübe, I münküpbonü nü shijihbah.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

MUNGSHIKHÜN 84:2

Atungpuh arüngyam thsungkheak I menü künsahde kamchoh; I mulong tüsho I shihnü arhang Thrünpuh thsungkheak zhichoh.

MUNGSHIKHÜN 84:4

Sherü nü yam ching lanü müngühmühi; arünü judü lang nü shijihbah.

MUNGSHIKHÜN 84:7

Arübo sühmüh lade yüchoh; arü mihbüm abannü Zion ching Thrünpuh miki yüchoh.

ABEKHIT 23:17

Kam khülang ching mahsam ki athrürübo Atungpuh nüsa Thrünpuh miki arang.

ISAIA 26:8

Nü mahkhapkhi limro ching, O Atungpuh , isanü nü aleanglah; nü mung tüsho nü mungthu menü künde lah.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

JOHAN 5:26

Tümüde Abuh ju anihbuh kheak rhangdung lakhi nangde, api kheak rhangdung lapü atsührü ki mülüjihdo,

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde