MUNGSHIKHÜN 41:1 - AMÜSÜH HÜM CL Bible (BSI)

¹ Shepünü zhochihrü lümrhihde lachonü asühpü; Atungpuhnü küpkhuk kim ching api rungbah.

MUNGSHIKHÜN 41:1 Iomraidhean Croise

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

MUNGSHIKHÜN 37:19

Amütsü kim ching arü achih müngü, tüsho khümzung nimungbo ching arü suhdahde alabah.

MUNGSHIKHÜN 37:26

Api lünnü amüthsüm lah, tüsho püpürü ki nipjihde lachoh; tüsho api tsühsoniusobo müngühmühia lah.

MÜCHITMUDU 14:21

Shepünü nihbuh yamhingrü mükhemükimchonü neak yihbeakchoh; tüshe shepünü zhochihrü kheak amüthsüm lanü, api a asühpü.

MÜCHITMUDU 16:14

Kiulongthsüpuh bukakhiukkhi ju ashekhi yunithsürü ah, tüshe lümlung larü mihtsürünü ju keamloshihchoh.

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

JEREMIA 39:17

Tüshe ju nimung inü nü khümkhitbah, Atungpuhnü thachoh, tüsho nünü trede alarü khah ching nü müjih.

MARK 14:7

Tümütüsho nüsa lung zhochihrü a kamruhroro labah, tüsho küyimki nüsanü alümbanü arü ki atsü rhimopü kuklah; tüshe I a nüsa lung kamruhroro lapü yung.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

GALATIA 2:10

Arünü akeokhikhi ju inü arhimopü mulongde alakhi isanü mutukzhakde zhochihrü lümkhitpü lakheah.

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.

RUTH 2:19

Naominü alibe ki keo, “ Küchingnü hadükhüh momukhungkhea? Nü she lu ching rhimokhea? Nü kheahyukbuh kheak Thrünpuhnü müngühshang!” Jumonü, I Boaz lu ching rhimokheah de Ruthnü Noami ki tha.