MUNGSHIKHÜN 40:7 - AMÜSÜH HÜM CL Bible (BSI)

⁷ Judüki inü tha, “ Kheahang, I arüchoh; küpqiu ching ju I dünkheak thrüta lakheah.

MUNGSHIKHÜN 40:7 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

MUNGSHIKHÜN 50:9

Inü nü yam chingnü moshipung, yungsho mihnu boto chingnü mihnubo yihnüpü müla.

MUNGSHIKHÜN 51:18

O Thrünpuh, Zion muzhoang tüsho rungang; Jirusalem chipibo thsülojang.

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ISAIA 50:5

Atungpuh Thrünpuhnü I nükhün khimshuhjih, tüsho inü mazhih, inü mutsolo.

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.