MUNGSHIKHÜN 40:6 - AMÜSÜH HÜM CL Bible (BSI)

⁶ Nünü laksah-a kingaünkhi tüsho jihchungkhi mulune; nünü I nükhünbo yeahshungjih; taka kingaün tüsho neak kingaün nünü mükheang.

MUNGSHIKHÜN 40:6 Iomraidhean Croise

JOB HU H T ANYU 33:16

Apinü arü nükhünbo khimshuhjihchoh tüsho müzünde arübo treshihchoh,

JOB HU H T ANYU 5:9

Apinü ato kukrukbo tüsho müyimkhukbe, mihmüyinsahbe kukrukbo mükhebinbe thsüchoh.

MUNGSHIKHÜN 139:17

Nü lümkhi she küdükhüh I ki shoto la, O Thrünpuh! Jurü küdükhüh she la!

MUNGSHIKHÜN 139:18

Inü jurü khekhülaa, loyi kheaknü ahihbe labah; küyimki I asürübanü, judü lang I nü lung lah.

MUNGSHIKHÜN 50:8

Inü nünü laksah-a kingaünkhi yungsho mutukzhakde I miki taka kingaünkhi dünkheak nü müthürüh.

MUNGSHIKHÜN 51:16

Tümüde nünü laksah-a kingaünkhi mulune, jude yungkhülaa inü jih-a labah; nünü taka kingaünkhi ching masühchoh.

MUNGSHIKHÜN 71:15

I münnü nü thiyuro-lungki tüsho nü akhümkhit nimung amuyung thabah, tümüde inü arü akhü thsükhi mümükheah.

ABEKHIT 21:6

judüki api putungrünü mahkhaprübo ki anihbuh bedarübah. Apinü anihbuh ju khimdopü yungsho khimdopü dungjingbo ki bede ayübah, tüsho anihbuh putungrünü hühzonü api nuku phitjihbah; tüsho apinü anihbuh lünnü atankihbah.

ISAIA 1:11

Nüsanü hihdakde laksah-a kingaünkhibo I ki tümü la? Atungpuhnü thachoh; namfimihnupungbo tüsho yimkipkhi shiwühbonü I suhdahde taka kingaündo; inü moshibo yungsho namfimihnunu, yungsho mihnubo thiyih ching masüh.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

HOSEA 6:6

Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

MATHI 12:7

Tüshe nüsanü, ‘Inü laksah-a kingaünkhi yungde mihmuzho lunelah,’ dükhi amütsan mükheahkhülaa, nüsanü amülim mülarü mübahyuk.

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.