MUNGSHIKHÜN 40:3 - AMÜSÜH HÜM CL Bible (BSI)

³ Apinü isa Thrünpuh shipü I mün ching khün aso khülang yukjih; ahihdonü ju ngübah atrebah tüsho Atungpuh kheak kinbah.

MUNGSHIKHÜN 40:3 Iomraidhean Croise

MUNGSHIKHÜN 119:133

Nü yu yande I jingdükü huhang, amülim tümünü I kurungkheak yakzan düshuhshih.

MUNGSHIKHÜN 142:7

Rihyam chingnü I bekhitang, junangde inü nü mung shibah; thiyuro-lungkirünü I zündobah tümüde nünü I ki tsüde arhimobah.

MUNGSHIKHÜN 144:9

Inü nü ki khün aso khülang thsübah, O Thrünpuh; aliu thürü kihkhi bingshangnü nü ki inü müshikhibo thsübah,

MUNGSHIKHÜN 27:5

Küpkhuk nimung api lapung ching I jikshihbah; apinü arüngkhimyam phudobe khüp I jikshihbah, apinü I lungto khülang kheak changde azojihbah.

MUNGSHIKHÜN 33:3

Api ki khün aso thsang; kingsode kingang, tüsho asühde zhiang.

MUNGSHIKHÜN 35:27

I thiyuro-lungki lümjihrünü asühachihde zhishang; tüsho mutuklode arünü thashang, “Api yamlarü tsüde alakhi ching asühkhi Atungpuh shuhkihshang.”

MUNGSHIKHÜN 37:23

Mihtsürü atsü jingdükübo Atungpuh kilimnü lah, tüsho apinü anihbuh limro ching asühchoh.

MUNGSHIKHÜN 52:6

Thiyuro-lungkirünü she angübah tüsho atrebah, tüsho api ki münejihde athabah,

MUNGSHIKHÜN 69:3

I atripkhinü khia lah; I wak kunga lah. I Thrünpuh aleangkhinü I mük tsünshelakdo lah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

AMIKHEAKAKHIUKKHI 14:3

tüsho arünü kiulongthsü-binkiu le arhang shiwüh phüyi tüsho azothsürübo miki khün aso thsü. Alomi chingnü rhokhita larü 144,000 kheak hode shenü she ju khün manikhit.