MUNGSHIKHÜN 40:14 - AMÜSÜH HÜM CL Bible (BSI)

¹⁴ I rhangdung lupü yimrü alala achih ngüshang, tüsho yingyingde kamshang; I thsümünimpü künrü mungchih ngüde rholoshang.

MUNGSHIKHÜN 40:14 Iomraidhean Croise

MUNGSHIKHÜN 109:20

Ha I amülim jihrü tüsho I azhihde amütsü asukrü kilim Atungpuh thsambah thsüshang.

MUNGSHIKHÜN 22:12

Moshipung ahihdonü I mühidoa lah; Bashan moshipung amürangbonü I mükamdoa lah.

MUNGSHIKHÜN 22:20

I rhangdung nukshang chingnü, I shoto rhangdung khihnu wu chingnü bekhitang.

MUNGSHIKHÜN 35:26

I thsümütsü kheak asühachihrü rukhühnü achih ngüshang tüsho yingyingshang; I kurungkheak arü küdah thsüde ashuhkihrü achih ngükhi tüsho wüntre mülakhinü lüpdoshang.

MUNGSHIKHÜN 35:4

Sherünü I rhangdung yimchonü, achih ngüshang tüsho mükhemükimshang; sherünü I azhihde rük asahchonü rholoshang tüsho yingyingde kamshang.

MUNGSHIKHÜN 70:1

O Thrünpuh, I khümkhitpü niokheamang; O Atungpuh , I rungpü nahde arang!

MUNGSHIKHÜN 71:13

I mulomülaprü achih ngüshang tüsho dükheakshang; I yuripü yimrü achih tüsho mungchih ngüshang.

MUNGSHIKHÜN 9:3

Küyimki I riri rholoba, arü angakbah tüsho nü miki dükheakbah.

ISAIA 41:11

Am, nü azhihde bukakhiukrü alala achih ngübah tüsho akinashu mülade akambah; sherünü nü azhihpü mürangchonü tümü mülade akambah tüsho adükheakbah.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

JOHAN 18:6

Küyimki apinü arü ki, “I api ah,” de athakhea, arünü ashitlode yü tüsho alo kheak angak.