MUNGSHIKHÜN 37:40 - AMÜSÜH HÜM CL Bible (BSI)

⁴⁰ Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 37:40 Iomraidhean Croise

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

MUNGSHIKHÜN 17:13

Asürang, O Atungpuh , api shoruang, tüsho keamshang; nü nukshang hode mihbukmuyuk chingnü I bekhitang,

MUNGSHIKHÜN 27:2

Küyimki mihbukmuyukrü I azhihde I shih tsühpü arükheanü, I riribo jing mükhe tüsho lungabah.

MUNGSHIKHÜN 34:20

Atungpuhnü api robo alala kümchoh; jurü khülang she müyihshak.

MÜCHITMUDU 20:22

“ Inü amütsü athrihlobah” de dütha; Atungpuh aleangang, tüsho apinü nü khümkhitbah.

ISAIA 31:5

Wuhnubonü akumung phinkhi nangde, Wuto Atungpuhnü Jirusalem kümdobah; apinü kümdobah tüsho bekhitbah, apinü phunghobah tüsho kümkhitbah.

ISAIA 46:4

nü ashin khiungde I api ah, nü ku buyiuk khiungde inü nü buhbah. Inü nü thründo, tüsho inü akümbah; inü nü buhbah tüsho khümkhitbah.

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 6:23

Judüki kiulongthsüpuhnü khide asüh tüsho kekhüzü-yam chingnü Daniel bekhitpü thiyukhüm jih. Jumonü Daniel ju kekhüzü-yam chingnü bekhit, tüsho api kheak yurikhi tümü müngü, tümütüsho apinü api Thrünpuh kheak kin.

1 JOHAN 5:18

Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.