MUNGSHIKHÜN 37:31 - AMÜSÜH HÜM CL Bible (BSI)

³¹ Anihbuh Thrünpuh yakzan api mulong ching lah; api jingdükübo mülih.

MUNGSHIKHÜN 37:31 Iomraidhean Croise

JOB HU H T ANYU 23:11

I jingnü api jingdükübo ching jungkihlah; inü api limro ching yanchoh tüsho manguh.

MUNGSHIKHÜN 1:2

tüshe Atungpuh yakzan ching api asühkhi lah, tüsho azhing ayin api yakzan khechoh.

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 119:98

Kim alala ching nü yukhüm I lung lah tüsho I riribo kheaknü I lümlung labe kamshihchoh.

MUNGSHIKHÜN 121:3

Apinü nü jingbo mülihshih; shepünü nü aheangchonü anede müyü.

MUNGSHIKHÜN 17:5

Nü limrobo ching I jingdükübo tholojang, junangde I jingdün müthsüphah.

MUNGSHIKHÜN 37:23

Mihtsürü atsü jingdükübo Atungpuh kilimnü lah, tüsho apinü anihbuh limro ching asühchoh.

MUNGSHIKHÜN 40:8

Inü nü lümkhi ching asühchoh, O I Thrünpuh, tüsho nü yakzan I mulong ching lah.”

MUNGSHIKHÜN 40:9

Inü mukhungmüdan ato ching thiyuro-lungki yusheak atsü zhiyuk; inü I münküp müyihdo, O Atungpuh , nünü mükheahlah.

MUNGSHIKHÜN 44:18

Isa mulong murholo; isa jing nü limro chingnü makhin.

MUNGSHIKHÜN 73:2

Tüshe I a, I jing mükhemüchihdo; I jingdükü lihmüchihdo.

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

MÜCHITMUDU 4:4

apinü I ki thsangyu tüsho tha: “Nü mulongnü I yubo zoang; I yukhümbo zoang tüsho laang.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

EZEKIEL 27:6

Bashan thülamsangbonü arünü nü sangkung-bebe thsü; arünü Saipra keyeannü nü sangkung dampü tsünsangbonü thsotohü lakyukde thsü.

YUZÜNGTHALO 6:6

Tüsho inü khihni thiyukhüm jihkhi yu ha nüsa mulong ching labah;

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.