MUNGSHIKHÜN 37:30 - AMÜSÜH HÜM CL Bible (BSI)

³⁰ Thiyuro-lungkirü münnü lümlung asukchoh, tüsho api mulonü thiyuro thachoh.

MUNGSHIKHÜN 37:30 Iomraidhean Croise

MUNGSHIKHÜN 71:15

I münnü nü thiyuro-lungki tüsho nü akhümkhit nimung amuyung thabah, tümüde inü arü akhü thsükhi mümükheah.

MUNGSHIKHÜN 71:24

I mulonü nimung amuyung nü thiyuro-lungki dünkheak thabah; tümüde I yuripü yimrü yingyinga lah, arü achih ngüdo.

MÜCHITMUDU 10:20

Mihtsürü atsü yubo ju atsangkhitkhi shotoyinchi ruk ah; mihbukmuyuk mihtsürü lümkhi ju yihnüpü müla.

MÜCHITMUDU 10:21

Thiyuro-lungkirü yubonü ahihdo kilim alü thsüshihchoh, tüshe makharü a lümlung mülakhinü shechoh.

MÜCHITMUDU 10:31

Thiyuro-lungkirü münnü lümlung hande arüchoh, tüshe mülapmüji mulo tsütkhita bahchoh.

MÜCHITMUDU 15:7

Lümlung larü münküpbonü mükheahmudu bushihchoh, tüshe makharü mulongnü jude müthsü.

MÜCHITMUDU 27:9

Rhümthüneabe tüsho jinjinlaknü mulong asühshihchoh, tüshe me a küpkhuknü thsümünimshihchoh.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

KOLOSI 4:6

Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.