MUNGSHIKHÜN 37:28 - AMÜSÜH HÜM CL Bible (BSI)

²⁸ Tümüde Atungpuhnü thiyuro muzhochoh, tüsho api yo amüsührübo mübahyuk; arübo lünnü küma lah, tüshe mihbukmuyuk tsühsoniusobo yankhita bahbah.

MUNGSHIKHÜN 37:28 Iomraidhean Croise

JOB HU H T ANYU 18:19

Api mihtsürü bolung api tsührü yungsho tsühsoniuso müla, tüsho api lade alakhi ching sheshe rhangdung müla.

JOB HU H T ANYU 27:14

Arü tsührübo busho, ju nukshang thsungkheak ah; tüsho arü münübo suhdahde atsühpü müla.

MUNGSHIKHÜN 11:7

Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.

MUNGSHIKHÜN 21:10

Nünü arü münü alomi kheaknü tüsho arü tsührü mihtsürü tsührü bolungnü dükheakshihbah.

MUNGSHIKHÜN 37:25

I athunu lakheah, tüsho kheaküa shindo; tütüshe thiyuro-lungkirü bahyukkhi yungsho api tsühsoniusonü yikhap kakheangde inü müngü.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

MÜCHITMUDU 2:22

tüshe mihbukmuyuk a alomi chingnü adükheakshihbah tüsho thiyuro mülarü ju chingnü arukkhitbah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

JEREMIA 9:24

tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

JOHAN 15:9

Abuhnü I muzhokhi nangde, inü she nüsa muzhodo; I muzho ching laang.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim: