MUNGSHIKHÜN 37:15 - AMÜSÜH HÜM CL Bible (BSI)

¹⁵ Arü nukshangbo arü mulong ching yüzahbah, tüsho arü sanglühbo zhakbah.

MUNGSHIKHÜN 37:15 Iomraidhean Croise

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

ESTER 9:16

Lomibo ching Jihudarü püpürübo she shumukhung tüsho arü rhangdung thsungkheaknü düküngde zhip. Arü mükheahnerü thiriri 75,000 laksahkhinü arü reangkeamdo, tüshe arünü kukruk a mulu.

ESTER 9:22

Harü nimungbo ju Jihudarübo arü riri kheaknü lümyinkhi; tüsho mulong thsümünimkhi adükheakbe chingnü asühpü nimung müthrikhi khinu lakheah. Harü nimungbo ching boto tsühyungachihde, tsühyungbenü thsambah khülangnü khülang ki jihachihde tüsho zhochihrü kilim thsambahbo jihshihpü arü ki thrüt.

MUNGSHIKHÜN 34:22

Atungpuhnü api yamlarübo rhangdung rhokhitchoh; api kheak tsoyukrü sheshe mübahyuk.

MUNGSHIKHÜN 35:8

Tüshe arünü mümükheahyide athsümünimnü arü tholobah; arü nihbuh zheang ching phuhbah tüsho athsümünim ching keamyukbah.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

ISAIA 37:38

Apinü anihbuh thrünpuh Nisrok yam ching kingaünchoki, api tsührübo Adrammelek tüsho Sharezernü nukshangnü api laksah, tüsho ane a Ararat lomi ching tsokhiabah. Api tsührü Esarhaddonnü api müthri.

JEREMIA 51:56

tümüde athsümünimrü khülang Babilon azhihde arüdo; anihbe thirithsürübo luabahdo, arü sanglühbo zhaka lah; tümüde Atungpuh ju ashaklo Thrünpuh ah, apinü mide ajihlobah.

HOSEA 1:5

Ju nimung inü Jezreel jindükhün ching Israel sanglüh yihshakbah.”

HOSEA 2:18

Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

MIKA 5:6

Arünü Asiria lomi nukshangnü, tüsho Nimrod lomi nukshang dukkhitbah yakzan shuhbah; mürangkhüh arünü isa lomi ching yungsho isa aredungyean ching thrümsho arünü Asiriarü kheaknü isa khümkhitbah.

1 SAMUEL 2:4

Wuto sanglühbo zhakabahdo, tüshe sühmüh mülarübo reangzahchoh.

1 SAMUEL 31:4

Judüki Saulnü api thsühnuk hanrü ki tha, “Nü nukshang dukkhitang tüsho I düchipang, junangde harü tsütamübahrünü arübah ninnin thsüde müdüchip.” Tüshe api thsühnuk hanbuhnü mümulongde alakheah; tümüde api treabah. Jumonü Saulnü anihbuh nukshang dukkhitbah ju kheak keam.