MUNGSHIKHÜN 36:4 - AMÜSÜH HÜM CL Bible (BSI)

⁴ Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 36:4 Iomraidhean Croise

ESTER 5:14

Ju ching aniube le amüyamrübonü hade tharung, “Nünü süksahdung ashanglim limthrip 22nü thsang, jude thsah shido yapsu kiulongthsüpuh ki thabah Mordekai ju kheak zhinde sheshang, tüsho nü aniojikhi ching asühde yüang.” Haman nü ha lümkhi atsü ah de lümbah süksahdung thsakham.

ESTER 6:4

“Thüyam ching ju shepü la le?” de kiulongthsüpuhnü keokhi. Kheakü Haman thüyam dükeak apinü athsakhamkhi süksahdung kheak Mordekai zhinpü thsüde, kiulongthsüpuh ki thiyu kheangpü azah.

JOB HU H T ANYU 15:16

Amülim-rhimo ke nangde ayungrü athranean tüsho athsümünimrü küdükhüh keamkhila!

MUNGSHIKHÜN 38:12

I rhangdung yimrünü I thsungkheak qimürip thsüchoh; I yuripü yimrünü athsümünim asukchoh, tüsho nimung amuyung mülapmüji lümkhi thsüchoh.

MUNGSHIKHÜN 52:3

Nünü atsü kheaknü alü amütsü, tüsho thiyuro-lungki asukpü kheaknü alü akeangyu thapü muzholah.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

MÜCHITMUDU 24:2

tümüde arü mulongnü athsümünim asahchoh, tüsho arü münbonü amütsü thachoh.

MÜCHITMUDU 24:23

Lümlung lakhi mihtsürünü harü she tha: Mahkhapkhi ching jakkheahkhi ju atsü yung.

MÜCHITMUDU 4:16

Tümüde arünü amütsü mürhimoyikia arü müyapchoh; arünü khürü mükeamshihyikia arü yapshede müyü.

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

JEREMIA 8:6

Inü anguhlo tüsho ani, tüshe arünü thiyuro masuk; shenü she mihbukmuyuk chingnü mulong müthride, “ Inü tümü rhimokhea!” de mütha. Khora khülang thirithsü ching rande ayükhi nangde arü alala nihbuh limro ching rholodo.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MATHI 27:1

Yapsu mükikde, amükeam putungrü tüsho azothsürü alalanü Jisu sheshihpü lümkhi khikzhak.

YUNIRÜBO RHIMO 23:12

Küyimki ayinkhikhea, Jihudarübonü rük yim tüsho Paul mülaksahyikia mütsühyungpü thiyuchihchim thsü.

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.

1 SAMUEL 19:11

Saulnü api yapsu laksahpü lümkhi thsüde David yam ching api kheahde yunithsürübo yüshih. David niube Mikalnü api ki tha, “Nünü khihre nü rhangdung mütsokhisho, nü shido laksahbah.”