MUNGSHIKHÜN 36:3 - AMÜSÜH HÜM CL Bible (BSI)

³ Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

MUNGSHIKHÜN 36:3 Iomraidhean Croise

2 SAMUEL 22:22

Tümüde inü Atungpuh yakzanbo ani, tüsho mihbukmuyuk rhimode I Thrünpuh kheaknü müchamachih.

2 KIUTHSÜYUKHEAN 20:32

Apinü abuh Asa limrobo ching tsah tüsho Atungpuh miki alungki rhimode, ju chingnü manguh.

MUNGSHIKHÜN 10:7

Api mün ju athruaji tüsho mülapmüji le ajunonü milah; api mulo khüp küpkhuk tüsho mülimkhi lah.

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 140:3

Arü mulo phuruto nangde zükhitchoh; arü münküpbo khüp ngümto müzüm lah.

MUNGSHIKHÜN 5:9

Tümüde arü mün ching thiyuro müla; arü mulong athsümünimnü milah; arü thrukeang ju khimshuh-a lakhi kiuyuk ah; arü mulonü mülapmüjichoh.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MUNGSHIKHÜN 58:3

Mihbukmuyuknü nuyam chingnü tsophülapchoh, arünü arü zübekhi chingnü akeangyu thade amülim thsüchoh.

MUNGSHIKHÜN 94:8

Anikhitang, nüsa mihtsürü bolung lümzülümdo mülarübo; tüsho nüsa mahkhaprübo, küyimki nüsa lümlung laba?

MÜCHITMUDU 4:16

Tümüde arünü amütsü mürhimoyikia arü müyapchoh; arünü khürü mükeamshihyikia arü yapshede müyü.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

HOSEA 8:3

Israelnü atsü bahyukdo; thiririnü api müshambah.

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

MATHI 22:35

Tüsho arü bolung mahkhaprü khülangnü api ki rükakide keokhi,

LUKNÜ ATHRÜTKHI THIYUSHEAK-ATSÜ HUHTANYU 11:25

Tüsho küyimki api arübanü, ju phüta tüsho tsanglunga ngüchoh.

IBRI 10:39

Tüshe isa a tuklode tsobah adükheakrü yung, tüshe akin lah tüsho khümkhita lah.

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.

1 SAMUEL 15:26

Samuelnü Saul ki tha, “Inü nü kilim murholo; tümüde nünü Atungpuh yu bahyukdo, tüsho nü Israel kurungkheak kiulongthsürü chingnü Atungpuhnü bahyukdo.”

1 SAMUEL 16:14

Kheakü Atungpuh me Saul kheaknü chamachih, tüsho A TUN GPU H kilimnü amünean me arübah api thsurang.

1 SAMUEL 18:21

Saulnü lüm, “Inü anihbe api kilim jihbah alibe ju anihbuh thsungkheak qimürip thsüshihanü tüsho Filistiarünü api laksahbah.” Jumonü mahne kipü Saulnü David ki tha, “ Kheakü nü I tsühmeak thsübah.”

1 SAMUEL 26:21

Judüki Saulnü tha, “Inü amülim rhimodo; I tsührü David alode arang, tümüde kheaküa inü nü müthsümünim, tümütüsho khihni I rhangdung nü miki shoto lakheah; I bünkeangbünrudo, tüsho amülim ato khülang thsüdo.”