MUNGSHIKHÜN 35:13 - AMÜSÜH HÜM CL Bible (BSI)

¹³ Tüshe küyimki arü tukthsüde alakhea, inü shungliukhim phuyubah azhihayihde khümkeak thsü. I tamkhüntamnü I ki malojihyikia,

MUNGSHIKHÜN 35:13 Iomraidhean Croise

JOB HU H T ANYU 30:25

Küpkhuk ching labuh thsungkheak inü mütrip yung de? Zhochihrü thsungkheak I menü mütüzho yung de?

MUNGSHIKHÜN 69:12

Chipiripit ki binrübonü I azhihde asukchoh, tüsho amüshangrübonü I dünkheak khün thsüchoh.

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

ISAIA 58:5

Inü mokhitkhi khümkeak ha, nihbuh azhihayihpü nimung yung de? Sangrung nangde aku koyupü, tüsho shungliukhim le awah ching yapbea de? Nünü ha Atungpuhnü leangkhikhukbe nimung, khümkeak ah de ajiba de?

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:31

Ha nüsa thsungkheaknü sühakhim amunimung tüsho nüsanü khümkeak thsübeah. Ha kamruhroro thsungkheak yakzan thsükhi lah.

MATHI 10:13

Yamkhün ju thülünlasho, nüsa mungtsü ju kheak lashang. Tüshe müthülüna lasho, nüsa mungtsü nüsa kilim rholoshang.

MATHI 5:44

Tüshe inü nüsa ki thachoh: Nü riribo muzhoang tüsho nü thsümüchirü thsungkheak tamkhüntamnüjang,

LUKNÜ ATHRÜTKHI THIYUSHEAK-ATSÜ HUHTANYU 10:6

Tüsho ju ching mungtsü mihtsürü lasho, nüsa mungtsü ju ching labah; jude yungsho ju nüsa kilim rholobah.