MUNGSHIKHÜN 35:10 - AMÜSÜH HÜM CL Bible (BSI)

¹⁰ I mulong athrünkhinü athabah, “O Atungpuh , nü nangde she la? Nünü sühmüh larü kheaknü ayiuhyiuhrü, tüsho junorü kheaknü zhochihrü bekhitchoh.”

MUNGSHIKHÜN 35:10 Iomraidhean Croise

2 SAMUEL 22:18

I riri amüküp I thraneanrü kheaknü apinü I bekhit; tümüde arübo ju I thsungkheaknü khide sühmüh lakheah.

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 102:3

Tümüde I nimungbo mokhüh nangde kheamabahchoh, tüsho I robo mokin nangde aniuchoh.

MUNGSHIKHÜN 103:6

Atungpuhnü junoa larü alala thsungkheak thiyuro-lungki tüsho thiyuro rhimochoh.

MUNGSHIKHÜN 109:31

Tümüde api zhochihrü khah tsülim, api bahyukrü kheaknü akhümkhitpü zhiplah.

MUNGSHIKHÜN 140:12

Atungpuhnü thsünürü thsungkheak thsakhamchoh tüsho zhochihrü thsungkheak thiyuro zochoh de inü mükheahlah.

MUNGSHIKHÜN 140:13

Tsükjide thiyuro-lungkirünü nü mung ching makshe jihbah; alungkirü nü miki labah.

MUNGSHIKHÜN 146:7

shepünü junoa larü thsungkheak thiyuro rhimocho, shepünü akhümrü kilim tsühyungbe jihcho. Atungpuhnü aramrübo zuzu jihchoh.

MUNGSHIKHÜN 18:17

Apinü sühmüh larü I thraneankhi I riri kheaknü I bekhit, tümüde arübo I thsungkheak khide sühmüh lakheah.

MUNGSHIKHÜN 22:14

I a ke nangde dungkhita lah, I robo phülapa lah. I mulong ju thürip nangde niuthünaka lah;

MUNGSHIKHÜN 22:24

Apinü zhochihrü mülümmuwuh yungsho arü thsünükhi amümürang müthsü; apinü arü kheaknü rholode mutso, tüshe arünü arung thsungkheak zhichoki alojihchoh.

MUNGSHIKHÜN 32:3

Küyimki inü I neak müthakhitkheanü, nimung amuyung ashearakhinü I robo keahkhia lakheah.

MUNGSHIKHÜN 34:20

Atungpuhnü api robo alala kümchoh; jurü khülang she müyihshak.

MUNGSHIKHÜN 34:6

Zhochihrü mihtsürünü zhi, tüsho Atungpuhnü alojih, tüsho api küpkhukbo alala chingnü khümkhit.

MUNGSHIKHÜN 37:14

Mihbukmuyuknü zhochihrü le mülamüthsürü tüsho alungki rhimorü laksahpü nukshangbo dukkhit tüsho sanglühbo hünkihdo.

MUNGSHIKHÜN 38:3

Nü bukakhiukkhinü I shihphü mütsü, yungsho I neak hode I robo tsüde müla.

MUNGSHIKHÜN 51:10

O Thrünpuh, I kheak mulong amüsüh khülang thrünjang, tüsho I kheak thiyuro me aso kamshang.

MUNGSHIKHÜN 51:8

I ki asühachih tüsho asühkhi soshang, junangde nünü ayihthünakkhi robo asühachihbah.

MUNGSHIKHÜN 69:33

Tümüde Atungpuhnü zhochihrü ki anijihchoh, tüsho api yo aramrübo mümih.

MUNGSHIKHÜN 71:19

O Thrünpuh, nü thiyuro-lungki khide changlah, nünü rhimo atobo thsü; O Thrünpuh, nü nangde she la?

MUNGSHIKHÜN 86:8

Thrünpuhbo lung nü nangde she müla, O Atungpuh ; tümüde rhimonü she nü rhimo kheak makekhuk.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ISAIA 40:18

Nünü Thrünpuh ju shepü kheak akeba? Tümü sangthsünü api akeba?

ISAIA 40:25

Dale nünü I she kheak akeakheahba, yungsho I thülünkhi she a? Amüsühbuh Khülangnü thachoh.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 20:13

Atungpuh ki khün thsüang; Atungpuh shiang! Tümüde apinü müthsümülarü rhangdung ju amütsü-rhimorü khah chingnü bekhitdo.