MUNGSHIKHÜN 34:8 - AMÜSÜH HÜM CL Bible (BSI)

⁸ Atungpuh tsükhi rükakheahang tüsho kheahang; mihtsürü shepü api kheak tsoyukchonü asühpü.

MUNGSHIKHÜN 34:8 Iomraidhean Croise

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

MUNGSHIKHÜN 119:103

Nü yubo küdükhüh she niungla, I mün ching mukhuke kheaknü aniungbe ah!

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 36:10

Nü mükheahrü kilim nü muzho, mulong alungkirü kilim nü thiyuro-lungki mutuklode laang.

MUNGSHIKHÜN 36:7

O Thrünpuh, nü muzhodakkhi küdükhüh shoto a! Mihtsürü tsührübonü nü ghidükeangbo me khüp tsoyukchoh.

MUNGSHIKHÜN 52:1

O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

MUNGSHIKHÜN 63:5

Shihkhiuk tüsho amüdang tsühkhi nangde I me reangkeambah, tüsho I münnü asühachihde nü shibah.

MUNGSHIKHÜN 84:12

O Wuto Atungpuh , mihtsürü shepü nü kheak kinchonü müngühmühi!

KHÜNBOLUNGKHÜN 2:3

Mukhiukdung khülang sangdung bolung nangde, athrününgtsüng bolung I tsübuh lah. Khide asühde inü api alamme khüp bindo, tüsho api sangaso kede tsüh.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

JEREMIA 31:14

Tsühyungpü akebenü inü amükeamrübo bukthsüshihbah, tüsho I mihtsürübonü I muzhomopungkhi ching reangkeambah, Atungpuhnü thachoh.

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

ZEKARIA 9:17

Tümüde api tsakamkhi tüsho akhamkhi küdükhüh la! Hinü athrününgtsüng tüsho yukhunü anünürü shih kihde akambah.