MUNGSHIKHÜN 34:3 - AMÜSÜH HÜM CL Bible (BSI)

³ I lung Atungpuh müretahshang, tüsho isa rukhühnü api mung shuhkihanü.

MUNGSHIKHÜN 34:3 Iomraidhean Croise

1 KIUTHSÜYUKHEAN 16:10

Api amüsüh mung ching müretahang; Atungpuh yimrü mulong asühachihshang.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

MUNGSHIKHÜN 35:27

I thiyuro-lungki lümjihrünü asühachihde zhishang; tüsho mutuklode arünü thashang, “Api yamlarü tsüde alakhi ching asühkhi Atungpuh shuhkihshang.”

MUNGSHIKHÜN 40:16

Nü yimrü alala nü lung asühachihshang tüsho asühshang; nü akhümkhit muzhorünü kamruhroro thashang, “Atungpuh shuhkihshang!”

MUNGSHIKHÜN 66:8

Isa Thrünpuh shiang, O mihtsürübo, tüsho api shikhi düsheak soshang,

MUNGSHIKHÜN 69:30

Inü khün thsüde Thrünpuh mung shibah, tüsho makshe jihde api müretahbah.

MUNGSHIKHÜN 69:33

Tümüde Atungpuhnü zhochihrü ki anijihchoh, tüsho api yo aramrübo mümih.

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

JEREMIA 9:24

tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 1:46

Tüsho Marinü tha, “I menü Atungpuh shichoh;

YUNIRÜBO RHIMO 19:17

Tüsho Efisia ching larü alala, Jihudarü tüsho Greekrü chidonü ha so; tüsho arü alala trede kam; tüsho Atungpuh Jisu mung wüntrede kam.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”