MUNGSHIKHÜN 34:14 - AMÜSÜH HÜM CL Bible (BSI)

¹⁴ Amütsü chingnü chamkhiang tüsho atsü rhimoang; mungtsü yimang, tüsho ju müshamang.

MUNGSHIKHÜN 34:14 Iomraidhean Croise

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 120:7

I a mungtsü thsungkheak lah; tüshe küyimki inü asukbanü, arübo thirithsü thsungkheak lah.

MUNGSHIKHÜN 37:27

Amütsü chingnü chamkhiang, tüsho atsü rhimoang; tüsho lünnü laang.

MUNGSHIKHÜN 39:2

Inü tümükhüh atsü dünkheak she thiyu müthade zhikde la! Tüshe I thsünü phünahde kam.

MÜCHITMUDU 13:14

Lümlung yakzan ju rhangdung kenü, khürü ashepü müthrim chingnü rholoshihchoh.

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

MÜCHITMUDU 4:24

Mülapmüji mün, tüsho thsüpkhilukhi münküpbo nü kheaknü dükhea tsoshang.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

MATHI 5:9

Mungtsü thsürübo asühpü, tümüde arü ki Thrünpuh tsührübo de ajibah.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

ROMRÜ KILIM PAULNÜ ATHRÜTKHI KIHÜM HUHTANYU 12:18

Kuksho, nünü alala ki mungtsü laang.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 14:19

Tümünü mungtsü thsücho tüsho bekihchonü isanü yananü.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

1 TESALONIKA 4:11

Isanü nüsa ki thakhi nangde, akhimahe rhangdung lapü, nüsa nihbuh shothsümolo lümpü tüsho nüsa khahnü arhimopü nüsa mükkheahkih thsang,

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

IBRI 13:16

Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

1 PETER 3:11

Apinü amütsü chingnü rholobah atsü rhimobeah; apinü mungtsü yimbeah tüsho ju müshambeah.

3 JOHAN 1:11

Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü.