MUNGSHIKHÜN 34:1 - AMÜSÜH HÜM CL Bible (BSI)

¹ Kim alala ching inü Atungpuh ki makshe jihbah, api shikhi mutuklode I mün ching labah.

MUNGSHIKHÜN 34:1 Iomraidhean Croise

THRÜNTAN 20:2

Abrahamnü aniube Sara dünkheak tha, “Alibe I niurü ah.” Tüsho Gerar kiulongthsüpuh Abimeleknü thiyia yüshihbah Sara bea lu.

THRÜNTAN 26:1

Akhuhlim Abraham kim ching lakhi khümzung kheaknü püpü khümzung lomi ching lakheah. Tüsho Isaknü Gerar ching Filistia kiulongthsüpuh Abimelek kilim yü.

MUNGSHIKHÜN 71:6

I zübechokinü inü nü kheak angükih; nünü I be nuyam chingnü I yihkhit. Inü nü shikhi mutukzhakde alabah.

MUNGSHIKHÜN 71:8

Nimung amuyung nü shikhi tüsho nü müretahnü I mün mishang.

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

YUNIRÜBO RHIMO 16:25

Tüshe tsüngphulung ching Paul le Sila büne Thrünpuh ki tamkhüntamnüde tüsho khün thsüde alakheah, tüsho aramrübonü ane ki anide alakheah,

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 TESALONIKA 5:18

kuhi alala ching makshe jihang, tümüde ha nüsa thsungkheak Jisu Khrista ching Thrünpuh lümkhi ah.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

1 SAMUEL 21:11

Akish yamlarübonü api ki tha, “ Ha alomi kiulongthsüpuh David yung de? Arünü khülangnü khülang khün thsüde atsünkhi yung de, ‘Saulnü chithürübo laksah tüsho Davidnü chithürü thürübo laksah?’”