MUNGSHIKHÜN 33:16 - AMÜSÜH HÜM CL Bible (BSI)

¹⁶ Kiulongthsürü khülang ju api bonungrü atonü mükhümkhit; thirithsürü khülang ju nihbuh sühmühnü mübekhit.

MUNGSHIKHÜN 33:16 Iomraidhean Croise

1 KIULONG THSÜRÜ 20:10

Ben-hadadnü api kilim yüshih tüsho tha, “Mürangkhüh Samaria asungthulungnü I yanrü mihtsürübo müyi abansho thrünpuhbonü I kheak alü she rhimoshang.”

1 KIULONG THSÜRÜ 20:15

Judüki apinü lomi-chamnakkhüh athrününgtsüng kovünorbo 232 jimukhung; arü dunglim apinü Israel mihtsürü alala, 7000 jimukhung.

2 KIUTHSÜYUKHEAN 13:8

“Tüsho kheakü David tsührübo khah ching Atungpuh kiulongthsü azhihkhukbah de nüsanü lümlah, tümütüsho nüsa mih hihlah tüsho Jeroboamnü nüsa thsungkheak suna moshi nunu thsükhi thrünpuhbo nüsa lung lah.

2 KIUTHSÜYUKHEAN 20:12

O isa Thrünpuh, nünü arü kheak mahmükhapba de? Tümüde ha bonungrü boto isa azhihde arükhi kheak isa wu-sühmüh müla. Tümü thsübanü isanü mümükheah, tüshe isa mükbo nü kheak lah.”

2 KIUTHSÜYUKHEAN 20:23

Tümüde Amon le Moab mihtsürünü Seir awung shahde dükheakshihde yan; tüsho küyimki arünü Seir ching larü akheam thsüshihkhea, arünü adükheakshihpü rungachih.

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

JOB HU H T ANYU 36:7

Apinü thiyuro kheaknü api mükji muluakhin, tüshe kiulongthsürü lung kiulongthsü-binkiu kheak apinü arü lünnü binshihchoh tüsho arü shuhkih-a lah.

JOB HU H T ANYU 39:11

Api sühmüh tomonü nünü ju kheak düthsün angüba de, tüsho nü rhimo api ki zojihba de?

MUNGSHIKHÜN 20:8

Arübo khukning tüsho keamdo; tüshe isa asürü tüsho langde zhiplah.

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

ABEKHIT 14:28

Judüki kebo alodarübah khora-lolungbebo, khoraberübo, tüsho arü dunglim keto ching arükhi Pharao bonungrü alala zündo.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

JEREMIA 48:14

“ Isa athrungrübo tüsho amüzhak thirithsürübo ah” de küde thsah nüsanü thakhukpü?

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

HOSEA 10:13

Nünü mihbukmuyuk khimdo, nünü amütsü yimludo, nünü akeangyu sangaso tsühdo. Tümütüsho nünü nü wu tüsho thirithsü hihkhi ching kindo,

AMOS 2:14

Athride ashanrü she mütsokhi, tüsho sühmüh larü sühmüh mülade akambah, yungsho wutonü arü rhangdung mükhümkhit;

AMOS 2:15

sherü sanglüh shuhchonü müzhip, tüsho sherü jing athrilanü mükhümkhit, yungsho khoraberünü arü rhangdung mükhümkhit;

JIHUSUA 14:12

Jumonü ju nimung Atungpuhnü athakhi nangde kheakü ha awung lomi I kilim jihang; tümüde Anakimrü künangde chipi düküngde kiutobo ching lakheanü nünü ju nimung sodo; khükijua Atungpuh I lung labah, tüsho Atungpuhnü athakhi nangde inü arü yankhita bahbah.”

MAHKHAPRÜ 7:2

Atungpuhnü Gideon ki tha, “I thsungkheaknü Midiarü arü khah ching jihpü thsüde nü mihtsürü khide hihlah. Junangde anihbe sühmühnü api khümkhitkheah de Israelnü I azhihde mükükheang,

MAHKHAPRÜ 7:4

Tüshe Atungpuhnü Gideon ki tha, “ Kheaküshe mihtsürü khide hihlah. Arübo ke ching bede yükiang, tüsho inü nü thsungkheaknü ju ching arü rükakheahbah. ‘ Ha nü lung yübah,’ de inü thasho, api ayübah; tüshe ‘ Ha nü lung müyü,’ de inü thasho, api müyü.”

1 SAMUEL 17:4

Judüki Filistiarü binkheampung chingnü Gathrü Goliath de thsübah athrungrü khülang akhiuk, api leang ju kipying 9 kheak kip 1 lakheah.

1 SAMUEL 2:9

“ Apinü api kheak düküngde alarü rhangdung aheangbah, tüshe amütsürübo amiting ching dükheakbah; tümüde nihbuh sühmühnü akuk müngüchoh.