MUNGSHIKHÜN 32:7 - AMÜSÜH HÜM CL Bible (BSI)

⁷ Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 32:7 Iomraidhean Croise

2 SAMUEL 22:1

Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

MUNGSHIKHÜN 119:114

Nü a I jikpü dangpung tüsho I tsung; inü nü yu ching mulonglamchoh.

MUNGSHIKHÜN 143:9

O Atungpuh , I riribo kheaknü I bekhitang; inü nü kheak tsoyukchoh.

MUNGSHIKHÜN 18:5

Ashe-lomi liubonü I hingdoa lah, ashebe qimürip I ki lah.

MUNGSHIKHÜN 27:5

Küpkhuk nimung api lapung ching I jikshihbah; apinü arüngkhimyam phudobe khüp I jikshihbah, apinü I lungto khülang kheak changde azojihbah.

MUNGSHIKHÜN 31:20

Nünü arübo mihtsürübonü mülapyukpü chingnü nü miki jikpung ching jika zochoh; nünü arübo arü riribo mükhemükimrü chingnü kurampung ching jika zochoh.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

MUNGSHIKHÜN 40:3

Apinü isa Thrünpuh shipü I mün ching khün aso khülang yukjih; ahihdonü ju ngübah atrebah tüsho Atungpuh kheak kinbah.

MUNGSHIKHÜN 5:12

Tümüde nünü thiyuro-lungki müngühjihchoh, O Atungpuh ; tsung khülang nangde nünü lümrhihde api kümdochoh.

MUNGSHIKHÜN 9:9

Atungpuh ju junoa larü thsungkheak tsoyukpung, küpkhuk kim ching kurampung lah.

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

MUNGSHIKHÜN 98:1

O, Atungpuh ki khün aso khülang thsang, tümüde apinü amüyinsahbebo rhimo! Api khah tsülim tüsho api amüsüh binnü akuk ngüdo.

JEREMIA 36:26

Tüsho kiulongthsüpuhnü kiulongthsürü tsührü Jerameel, Azriel tsührü Seraia tüsho Abdeel tsührü Shelemia, athrütbuh Baruk tüsho wukihbuh Jeremia rampü thiyukhüm jih. Tüshe Atungpuhnü ane ramabah.

KOLOSI 3:3

Tümüde nü shedo, tüsho nü ju Khrista lung rhangdung Thrünpuh kheak jika lah.

AMIKHEAKAKHIUKKHI 7:10

tüsho düsheak achangnü zhi, “Akhümkhit ju kiulongthsü-binkiu kheak binbuh isa Thrünpuh, tüsho Namfimihnunu yo ah!”

MAHKHAPRÜ 5:1

Ju nimung Debora tüsho Abinoam tsührü Barak anenü ha khün thsü: @SP ACE=