MUNGSHIKHÜN 32:6 - AMÜSÜH HÜM CL Bible (BSI)

⁶ Jumonü thiyuro mihtsürübonü arü lümthsünü kim ching nü ki tamkhüntamnüshang; tsükjide keto kingde akihchoki junü arü mukhiung.

MUNGSHIKHÜN 32:6 Iomraidhean Croise

MUNGSHIKHÜN 144:7

Achanglimnü nü khah chungkihang; ke atobo chingnü, khiungkerübo khah chingnü I khümkhitang tüsho bekhitang,

MUNGSHIKHÜN 4:3

Tüshe amüsührü a Atungpuhnü api thsungkheak shuhmuwuh-a zolah de mükheahang; inü api jichoki Atungpuhnü sochoh.

MUNGSHIKHÜN 40:3

Apinü isa Thrünpuh shipü I mün ching khün aso khülang yukjih; ahihdonü ju ngübah atrebah tüsho Atungpuh kheak kinbah.

MUNGSHIKHÜN 42:7

Nü kezho düsheak ching asüknü asük ki jichoh; nü ke abükde abukkhinü I zhihodo.

MUNGSHIKHÜN 91:7

Chithürü nü rheang ki, tüsho chithürü thürü nü khah tsülim keampü kuklah; tüshe ju nü thüninde marü.

MÜCHITMUDU 1:28

“Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 55:6

Api ngüpü lachoki Atungpuh yimang, api thüninde lachoki api ki jiang;

JOHAN 7:34

Nüsanü I yimbah tüshe I müngü, tüsho I küching lanü nüsanü marükhuk.”

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

2 KORINT 6:2

Tümüde apinü thachoh, “Aleangkhipü kim ching inü nüsa ki anido, tüsho akhümkhit nimung ching nüsa rungdo.” Kheahang, kheakü aleangkhipü kim ah; kheahang, kheakü akhümkhitpü nimung ah.

1 TIMOTHI 1:16

tüshe I aneakrü bolung amütsübe kheaknü, api kheak lün rhangdung thsungkheak kinpü larü ki amütsan thsungkheak Jisu Khrista azhihayihkhi huhpü thsüde inü ha mihmüthsüm leangkhi.

TITA 2:12

akin mülakhi tüsho alomi yihnelune bahyukpü tüsho adanyukpü alungki, tüsho ha lomi ching akinrü thsüde alapü,