MUNGSHIKHÜN 32:5 - AMÜSÜH HÜM CL Bible (BSI)

⁵ Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 32:5 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 SAMUEL 12:9

Api miki amütsü lakhi tümüde nünü Atungpuh yu amülim kamshihkhea? Nünü Hitbuh Uria nukshangnü laksahdo; nünü aniube ju nü niube thsüpü ludo, tüsho Amonrü nukshangnü api laksahdo.

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

1 KIULONG THSÜRÜ 8:50

tüsho nü mihtsürünü nü azhihde neak yihbeakkhi tüsho arünü nü azhihde amülim rhimokhibo neak bahjang; tüsho arü ramrü miki arübo mihmuzho huhang, junangde arünü arü kheak mihmuzho labah

2 KIUTHSÜYUKHEAN 6:29

bümzangrü yungsho nü mihtsürü Israel alalanü tümüpürü tamkhüntamnü, tümüpürü mushuba, arü nihbuh thsünükhi tüsho mulong tukthsükhi mükheahde ha yam lim arü khahbo chungkihsho;

EZRA 10:11

Jumonü kheakü, nüsa neak Atungpuh , nüsa jipürü Thrünpuh ki alokhiang, tüsho Api lümkhi rhimoang. Isa lo ching larü khiungkerü tüsho khiungkeberü nüsa niuberü kheaknü chamachihang.”

JOB HU H T ANYU 31:33

Adam nangde inü alakmihkhibo rama lasho, I amülimbo I khüh ching rama lasho,

JOB HU H T ANYU 33:27

Apinü mihtsürübo kheahbah thachoh, “Inü neak yihbeak, tüsho alungki lakmih tüsho ju I kilim müjihlo.

MUNGSHIKHÜN 103:12

Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

MUNGSHIKHÜN 103:3

shepünü nü neakbo alala bahjihcho, shepünü nü tukthsübo alala thsüngucho,

MUNGSHIKHÜN 25:16

I kilim rholoang, tüsho I ki müthsümang; tümüde I a zhikrangkhündo tüsho thsünükhi lah.

MUNGSHIKHÜN 25:18

I thsünükhi tüsho küpkhuk lümakheahjang, tüsho I neakbo alala bahjang.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 38:18

Tümüde inü I mülimkhi thakhitbah; inü I neak dünkheak thsünübah.

MUNGSHIKHÜN 38:19

I riribo shihphü tsüde sühmüh lah; amütsan mülade I thraneanrü hihlah.

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

MÜCHITMUDU 30:20

Müzammüram liberünü arhimokhi limro ha lah: alibenü tsühchoh tüsho amün nana bahchoh, tüsho thachoh, “ Inü amülim tümü mürhimo.”

ISAIA 65:24

Arünü müjiyide inü alobah, arü asukachihde lachoki inü asobah.

JEREMIA 2:23

Küde thsah nünü thakhukpü, “ I a mümünean, inü Baal dunglim müyü?” Jindükhün ching nü limro kheahang; nünü arhimokhi mükheahang– nü a athrikhi mütüm Kemel halim-halim yungchoh.

JEREMIA 2:35

nünü thachoh, “ I amülim müla; tsükjide api bukakhiukkhi I kheaknü rholode tsodo.” Kheakü inü, “ Inü neak müyihbeak” de athamonü nü kilim mahkhap handarüchoh.

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

LEVI 5:5

Küyimki mihtsürü khülang ju amülim kambanü apinü ayihbeakkhi neak alokhibah,

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

LUKNÜ ATHRÜTKHI THIYUSHEAK-ATSÜ HUHTANYU 7:47

Jumonü inü nü ki thachoh, anihbe neak hihde alakhi bahjihdo, tümüde alibenü khide muzhodo; tüshe shepü anikhüh neak bahjihkheanü anikhüh muzhochoh.”

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”