MUNGSHIKHÜN 32:1 - AMÜSÜH HÜM CL Bible (BSI)

¹ Shepü alakmihkhi neak bahjihcho, shepü neak lüpdojihchonü müngühmühi.

MUNGSHIKHÜN 32:1 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

NEHEMIA 4:5

Arü neak düyihdojih yungsho arü neak nü mikinü nana dübahjih, tümüde arünü chipi thsürü miki mükhemükimdo.”

MUNGSHIKHÜN 103:3

shepünü nü neakbo alala bahjihcho, shepünü nü tukthsübo alala thsüngucho,

MUNGSHIKHÜN 106:3

Shepünü kim alala ching thiyuro zocho, tüsho thiyuro-lungki rhimochonü müngühmühi!

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

MUNGSHIKHÜN 40:4

Sherünü Atungpuh kincho, shepünü sangthsübo kilim manguhcho, yungsho arükchih thrünpuhbo kingaünpü mübechonü asühpü.

MUNGSHIKHÜN 42:1

Shihmüchinü yungzü ke phurukhi nangde, I menü nü mürheangchoh, O Thrünpuh.

MUNGSHIKHÜN 45:1

I mulong ju mükkheahkih atsünü mikhiukde lah; inü athrütmukhungkhi kiulongthsüpuh ki khechoh; I mulo ju athrütpü thsakhama larü dosang nangde lah.

MUNGSHIKHÜN 52:1

O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

MUNGSHIKHÜN 53:1

Makharünü api mulong ching tha, “Thrünpuh müla.” Arübo thsümünima lah, tüsho athraneanbe amülimbo rhimodo; atsü rhimorü sheshe müla.

MUNGSHIKHÜN 55:1

O Thrünpuh, I tamkhüntamnü anijang, tüsho inü amushukhi chingnü nü düjik.

MUNGSHIKHÜN 84:12

O Wuto Atungpuh , mihtsürü shepü nü kheak kinchonü müngühmühi!

MUNGSHIKHÜN 85:2

Nünü nü mihtsürü mülimkhi bahjih; nünü arü neak alala lüpdojih.

MUNGSHIKHÜN 89:15

Mihtsürü sherünü asühachih düsheak mükheahlanü müngühmühi! O Atungpuh , arünü nü bekhi ayin ching tsahchoh.

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.