MUNGSHIKHÜN 31:4 - AMÜSÜH HÜM CL Bible (BSI)

⁴ I thsungkheak jika zokhi keang chingnü I bekhitang, tümüde nü I tsoyukpung ah.

MUNGSHIKHÜN 31:4 Iomraidhean Croise

MUNGSHIKHÜN 124:7

Isa mebo ju wuhnu-thsürübo qimürip chingnü wuhnu khülang nangde tsokhitdo; qimürip zhakdo tüsho isa tsokhitdo.

MUNGSHIKHÜN 140:5

Akükheangrünü I thsungkheak müthrim tüsho liubo rama zolah; arünü limro yean keang phua zolah; arünü I thsungkheak müthrim zolah.

MUNGSHIKHÜN 18:3

Inü ashijihpü thülünkhi Atungpuh ki jichoh, tüsho I riri kheaknü I khümkhita lah.

MUNGSHIKHÜN 19:14

I mün ching thiyubo tüsho I mulong ching lümkhibo nü miki aleangkhikhukbe kamshang, O Atungpuh , I tsoyukpung tüsho I rhokhitrü.

MUNGSHIKHÜN 23:3

Apinü I sühmüh aso jihchoh; apinü alokhikhi nangde thiyuro-lungki limro ching I bechoh.

MUNGSHIKHÜN 25:15

I mükbo lünnü Atungpuh kilim lah, tümüde apinü keang chingnü I jing yihkhitbah.

MUNGSHIKHÜN 35:7

Amütsan mülade arünü I thsungkheak azheang zo, tüsho I phuhpü müthrim asük kiu.

MUNGSHIKHÜN 57:6

Arünü I jingdükü thsungkheak keang thsüa lah; I me mükhümdo; arünü I müngüh shingkung kiudo; tüshe ju ching arü keamyuka lah.

MÜCHITMUDU 29:5

Mihtsürü shepünü api yamhingrü mülapyukchonü anihbuh jing thsungkheak azheang zochoh.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

2 TIMOTHI 2:26

tüsho arübo ju api lümkhi rhimoshihpü ramkhi amünean zheang chingnü atsokhitbah.