MUNGSHIKHÜN 31:20 - AMÜSÜH HÜM CL Bible (BSI)

²⁰ Nünü arübo mihtsürübonü mülapyukpü chingnü nü miki jikpung ching jika zochoh; nünü arübo arü riribo mükhemükimrü chingnü kurampung ching jika zochoh.

MUNGSHIKHÜN 31:20 Iomraidhean Croise

JOB HU H T ANYU 5:21

Nü mulodübeakrü kheaknü ajikshihbah, tüsho athsümünim arüchoki mütre.

MUNGSHIKHÜN 10:2

Mihbukmuyuknü api kükheangkhi ching zhochihrü thsümüchichoh; arünü asahkhi lümkhi ching arü phuhshang.

MUNGSHIKHÜN 103:11

Tümüde yinmibo ju alomi kumung changlah, junangde api trerü kilim api amüthsüm tode lah;

MUNGSHIKHÜN 103:8

Atungpuh , ju mihmüthsüm, amuzho, arünnü bukakhiukchoh, tüsho amüthsüm ching suhdahlah.

MUNGSHIKHÜN 119:124

Nü amüthsüm yande nü yamlarü ki rhimoang, tüsho I ki nü yakzan thsükhibo thsangyuang.

MUNGSHIKHÜN 124:5

düchi kebo isa kumung yükihpü lakheah.”

MUNGSHIKHÜN 140:3

Arü mulo phuruto nangde zükhitchoh; arü münküpbo khüp ngümto müzüm lah.

MUNGSHIKHÜN 140:5

Akükheangrünü I thsungkheak müthrim tüsho liubo rama zolah; arünü limro yean keang phua zolah; arünü I thsungkheak müthrim zolah.

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 27:5

Küpkhuk nimung api lapung ching I jikshihbah; apinü arüngkhimyam phudobe khüp I jikshihbah, apinü I lungto khülang kheak changde azojihbah.

MUNGSHIKHÜN 32:7

Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 36:11

Akükheangrü jing I azhihde darüshih, yungsho mihbukmuyuk khahnü I yana dütsoshih.

MUNGSHIKHÜN 36:6

Nü thiyuro-lungki ju awung ato nangde lah; nü thiyuro ju keto asük nangde lah. Mihtsürü tüsho shiwühbo nünü akünkhi ching lah.

MUNGSHIKHÜN 36:8

Arünü muzhomopungde nü yam ching aniojibah; nünü nü asühkhi ayung chingnü arü kilim ayungpü jihchoh.

MUNGSHIKHÜN 40:4

Sherünü Atungpuh kincho, shepünü sangthsübo kilim manguhcho, yungsho arükchih thrünpuhbo kingaünpü mübechonü asühpü.

MUNGSHIKHÜN 57:11

O Thrünpuh, yinmibo kumung shuhkihang. Nü müretahkhi alomi alala kurungkheak lashang.

MUNGSHIKHÜN 86:14

Akükheangrünü I azhihde wusudo, O Thrünpuh; mihbukmuyuk mihtsürü botonü I rhangdung yimchoh, tüsho arü miki nü mülashih.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

GALATIA 5:20

sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo,

1 TIMOTHI 6:4

api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”