MUNGSHIKHÜN 31:18 - AMÜSÜH HÜM CL Bible (BSI)

¹⁸ Arünü kükheangde tüsho bahyukde thiyuro-lungkirü azhihde asukkhi dünkheak arü keangtha münküp zhikde kamshang.

MUNGSHIKHÜN 31:18 Iomraidhean Croise

2 KIUTHSÜYUKHEAN 32:16

Api yamlarübonü alübe thsüde Atungpuh , Thrünpuh tüsho api yamlarü Hezekia azhihde tha.

MUNGSHIKHÜN 12:3

Atungpuhnü münjipjip tüsho kükheangkhi mulo aban zhikde kamshang,

MUNGSHIKHÜN 120:2

O Atungpuh , akeangyu münküpbo tüsho mülapmüji mulo chingnü I bekhitang.

MUNGSHIKHÜN 25:3

Nü aleangrü sheshe achih düngüshih; nü azhihrübo achih ngüshang.

MUNGSHIKHÜN 59:12

Arü münküp tüsho arü yubo neak lah; arü kükheangkhi ching arü phuhshang, tümütüsho arünü athruchoh tüsho akeangyu thachoh,

MUNGSHIKHÜN 63:11

Tüshe kiulongthsüpuh a Thrünpuh lung asühachihbah; mihbüm aban api hode thiyuchihchimrü müretahbah; tüshe akeangyu asukrü mün tuklobah.

MUNGSHIKHÜN 94:4

Arünü lülüshishi yubo thakhitchoh; amütsü rhimorü alala akükheangnü milah.

MÜCHITMUDU 12:19

Thiyuro münküp ju lünnü rünkhiungbah, tüshe keangtha mulo anükhühkheak thsungkheak ah.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

JOHAN 8:48

Judüki Jihudarünü alo tüsho api ki tha, “Nü Samariarü ah tüsho nü amünean me lah de isanü lungkide mütha de?”

YUNIRÜBO RHIMO 25:7

Tüsho küyimki api arükhea, Jirusalem chingnü arükhi Jihudarünü api mükamdoa zhipbah arünü mümütsankhukkhi ahihdonü Paul azhihde atsang.

JUDNÜ ATHRÜTKHI KIHÜM HUHTANYU 1:15

alala kheak mahkhappü, mükinde arhimokhibo dünkheak arü alala tüsho amükinrü aneakrübonü api azhihde amütsü yubo thakhi bahyukpü!”

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

1 SAMUEL 2:3

Khide kükheangde thiyu dütha, akükheang yu nü mün chingnü dakhiukshih; tümüde Atungpuh ju mükheahmudu Thrünpuh ah, tüsho apinü rhimobo adünchoh.