MUNGSHIKHÜN 31:15 - AMÜSÜH HÜM CL Bible (BSI)

¹⁵ I kimbo nü khah ching lah; I riribo tüsho I thsümüchirü khah chingnü I bekhitang.

MUNGSHIKHÜN 31:15 Iomraidhean Croise

2 SAMUEL 7:12

Küyimki nü nimungbo khiungba tüsho nü nüsa jipürü lung yübanü, inü nü pang chingnü tsührü nü dunglim asürüshihbah, tüsho inü api kiulongthsü thsakhamjihbah.

2 KIUTHSÜYUKHEAN 14:10

Asanü api shorupü wukhiuk, tüsho Maresha ching Zephatha jindükhün ching arünü keochihpü thsakham.

JOB HU H T ANYU 24:1

Tümüde Wutobuhnü mahkhappü kim muzocho le, tüsho tümüde api mükheahrünü küyimkishe api nimungbo müngü le?

MUNGSHIKHÜN 116:15

Atungpuh miki shoto ju api amüsührü shekhi lah.

MUNGSHIKHÜN 140:7

O Atungpuh T HRÜNPU H , I akhümkhit sühmüh, nünü keochih nimung I ku muhiudojih.

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 143:12

Nü amüthsüm ching I riribo dükheakshang, tüsho I azhihrü alala thsümünimshang; tümüde I nü yamlarü ah.

MUNGSHIKHÜN 143:3

Tümüde thiririnü I müshamdo; apinü I rhangdung alo kheak zükihdo; apinü I adüsonü asherü nangde amiting ching lashih.

MUNGSHIKHÜN 143:9

O Atungpuh , I riribo kheaknü I bekhitang; inü nü kheak tsoyukchoh.

MUNGSHIKHÜN 17:13

Asürang, O Atungpuh , api shoruang, tüsho keamshang; nü nukshang hode mihbukmuyuk chingnü I bekhitang,

MUNGSHIKHÜN 25:2

O I Thrünpuh, nü kheak inü kinchoh, I achih düngüshih; I riribonü I dükukshih.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

ABEKHIT 40:37

Tüshe amo ju makhinsho, ju makhinyi nimung khiungde arünü mütsahmusu.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

JEREMIA 31:18

Atsütsü Ephraimnü mushukhi inü sodo: “ Nünü I danyuk, tüsho inü adanyukkhi lu; I a müthsangmuyukhi moshi nunu khülang ruk lakheah. I belodarang, I alode arüshang, tümüde nü a Atungpuh I Thrünpuh.

LUKNÜ ATHRÜTKHI THIYUSHEAK-ATSÜ HUHTANYU 9:51

Küyimki api yinmi lim bede yükihpü kim khiungkhea, apinü mulong pungkhibah Jirusalem lim yü,

JOHAN 12:27

“Kheakü I me küpkhuklah, tüsho inü tümü thaba? ‘Abuh, ha kim chingnü I khümkhitang’ de athaba shi? Tüshe ha thsungkheaknü I ha kim ching arükheah.

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

JOHAN 7:30

Judüki arünü api rampü yim; tüshe shenü api kheak khah muchung, tümütüsho api kim marüyide alakheah.

JOHAN 7:6

Judüki Jisunü arü ki tha, “I kim marüyi, tüshe nüsa kim a kamruhroro thsakhama lah.

YUNIRÜBO RHIMO 1:7

Tüsho apinü arü ki tha, “Abuhnü thiyukhüm-sühmüh ching zokhi nüsa thsungkheak kimbo yungsho akheahmünchi mükheahpü yung.

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 27:24

tüsho tha, ‘Dütre, Paul; nü Kaesar miki zhippü lah; tüsho Thrünpuhnü nü lung bekhi rhangdungbo alala nü kilim jihdo.’

2 TIMOTHI 4:6

Tümüde I a shuhmülanga kingaünkhi ching lah; I chamachihpü kim arüdo.

2 PETER 1:14

tümütüsho isa Atungpuh Jisu Khristanü I ki huhkhi yande I pang nahde luakhinbah de inü mükheahlah.

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.