MUNGSHIKHÜN 31:14 - AMÜSÜH HÜM CL Bible (BSI)

¹⁴ Tüshe inü nü kheak kinchoh, O Atungpuh ; inü thachoh, “Nü I Thrünpuh.”

MUNGSHIKHÜN 31:14 Iomraidhean Croise

THRÜNTAN 37:18

Küyimki api limshu ching arüde arünü angükhea, arü ki api thüninde marüyide arünü api laksahpü rük asah.

MUNGSHIKHÜN 140:6

Inü Atungpuh ki tha: Nü I Thrünpuh; inü amushukhi düsheak sojang, O Atungpuh .

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 43:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

MUNGSHIKHÜN 71:12

O Thrünpuh, I kheaknü limshude düla; O I Thrünpuh, I rungpü niokheamang!

MUNGSHIKHÜN 71:22

Nü thiyuro lakhi thsungkheak bingshang bede nü shijihbah, O I Thrünpuh; inü bingkhung bede nü shijihbah, O Israel Amüsühbuh Khülang.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 26:42

Apinü mahne kipü yülo tüsho tamkhüntamnüde tha, ‘O Abuh, inü muyungde ha pung luakhinbah mutsokhuksho, nü lümkhi thsang.’

MATHI 27:46

Tüsho 3 king ngüm Jisunü düsheak achangnü zhide tha, “Eloi, Eloi, lama sabakthani?” ju amütsan, “I Thrünpuh, I Thrünpuh, tümüde nünü I bahyukkhea?”

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”